Bylykbashi: Ndërkombëtarët e kanë kuptuar se pas kullave fshihet një qeveri e lidhur me krimin!

Deputeti i zgjedhur i PD për Qarkun e Durrësit, Oerd Bylykbashi, ka komentuar këtë të mërkurë artikujt e mediave të huaja të cilat shkruajnë ndër të tjera se kullat e ndërtuara në kryeqytet janë një fasadë për pastrimin e parave. 

I ftuar në Syri TV, Bylykbashi u shpreh se ndërkombëtarët janë ndërgjegjësuar për realitetin në Shqipëri, se pas shkëlqimit me kulla fshihet një qeverisje grabitqare, korruptive dhe e lidhur me krimin.

Ai shtoi se edhe në raportin e tij përfundimtar OSBE/ ODIHR do të demaskojë farsën elektorale të 11 majit.

Bylykbashi: Ajo që po ndodh tani aktualisht është një ndërgjegjësim i faktorit ndërkombëtar. Organizata të ndryshme por dhe të shteteve të cilët kanë një interes e Shqipërisë jo vetëm si demokraci por konsolidim e demokracisë dhe progresin në BE.

Jo vetëm të vëmendshme por po kuptojnë gjithnjë dhe më tepër që Shqipëria është diçka më e ndryshme nga ajo që përpiqet Edi Rama ta paraqesë.

Pas shkëlqimit me kulla, pra ato që shikojnë njerëzit fshihet, një mënyrë qeverisjeje absolutisht jo vetëm grabitqare, jo vetëm korruptive apo e lidhur me krimin. Eshtë një lloj autokracie që në mënyrë një pushtet hibrid, që në dukje është demokratik por pra se zhvillohen zgjedhje ka institucione ka në pas 35 viteve që ka rënë komunizmi.

Është shtet anëtar për tu anëtarësuar në BE, ka hapur negociatat, por përtej të gjithave këtyre fasadave, po zhvillohet gjithmonë e më shumë një regjim i cili shtyp të drejtat e njeriut, shpartallon procesin zgjedhor, ka zhdukur konceptin e shtetit të së drejtës në nocionin e vetë themelor bazë që ka Evropa.

Ka përqendruar pushtetet, në dorën e kryeministrit dhe e gjitha kjo në funksion të një kryeministri, me në krye Edi Ramën.

Tani zgjedhjet janë viktima e vazhdueshme tashmë e të gjithë këtij modeli qeverisës, që ka një objektiv fare të qartë mbajtjen e pushtetit kontrollin e plotë, duke mos lënë asnjë hapësirë për asnjë lloj force, e cila mund ta sfidojë qeverisjen e Ramës.

Kështu që ndërkombëtarët janë duke u ndërgjegjësuar. Deklarata zyrtare e OSBE/ ODHIR, por dhe misionit ndërkombëtar vëzhgues që përfshin, Këshillin e Evropës, Parlamentin Evropian gjithashtu vuri në dukje me tone shumë kritike mbi shkeljet e rënda që kanë ndodhur në 11 maj dhe në procesin para 11 majit.

Do të shohim pjesën më pas raporti i OSBE/ ODIHR. Gjasat janë që ai raport të jetë edhe më i detajuar, por ajo që ne kemi çuar përgjatë gjithë këtij muajit në OSBE/ ODIHR dhe jam i sigurt se do të ndikojë në këtë situatë të errët të zgjedhjeve të 11 majit.

Por ka dalë dhe raporti i Asamblesë Parlamentare të Këshillit të Evropës i cili është pjesë e procesit vëzhgimit dhe gjithashtu me të njëjtat tone kritike.

Pak javë më parë edhe Parlamenti Evropian, miratoi raportin për Shqipërinë ku paragrafi për zgjedhjet gjithashtu përsëriti të njëjtat shqetësimet. Atë që garuesit nuk patën fushë të barabartë loje. Në një fjali përmblidhet të gjitha shkeljet, të cilët kanë ndodhur para 11 majit dhe kanë ç’bërë mundësinë që të kishte zgjedhje të lira dhe të ndershme.