Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Opozitës

PD denonocon: Gjykatës politikë po dënojnë aktivistët e opozitës

Politiko 18 Mars 2025, 13:52

PD denonocon: Gjykatës politikë po dënojnë aktivistët e

Në një deklaratë për mediat, anëtari i Kryesisë së Partisë Demokratike, Mariglend Doçi, ka akuzuar sistemin e drejtësisë për përdorimin e “metodave mafioze” dhe ka theksuar se shumë prej aktivistëve të opozitës janë dënuar me akuza të pabaza.

Doçi ka kërkuar ndërhyrjen e organizatave ndërkombëtare për të vënë në dukje shkeljet e drejtësisë nga ana e qeverisë dhe ka paralajmëruar një luftë të vazhdueshme për drejtësi dhe demokraci në Shqipëri.

Deklarata e plotë:

Ditet e fundit, në mënyrë mafioze, shume prej aktivisteve dhe protestueseve të mosbindjes civile të Partise Demokratike dhe opozitës, po përballen me dënime 6 mujore, te konvertuara ne 1 vit “shërbim prove”. Kjo, edhe pse çështjet kundër tyre janë pushuar njëherë ne vitin 2020.

Behet fjale për gjyqe të hapura në vitin 2022, fill pas lëvizjes se Foltores, ku aktivistëve të opozitës iu hapen gjyqe, me akuza të paqena, vetëm e vetëm për të shkurajuar të gjithë ata që nuk lejonin që opozitën e Shqipërisë ta emëronte Edi Rama.

Sistemi i drejtësisë së re, që e ka pultin e regjisë në Kryeministri, i vazhdoi ne heshtje dhe nën rrogoz këto gjyqe dhe përndjekje me ‘avokatë kryesisht’, deri ne vitin 2024. Kohë kur gjykata doli nga letargjia dhe, në prag të zgjedhjeve parlamentare, mori vendim të “formës së prerë” për mbi 20 aktiviste e mbeshtetës te Partise Demokratike!

Dënimi u mbajt i fshehtë deri ne momentin kur u bë i formës së prere nga gjyqtari Ogert Hoxha, një mik i ish-kryetarit te bashkise, Erion Veliaj. Ky denim perdoret nga dora e qeverise ne sistemin e drejtesise per te intimiduar aktivistet e Partise Demokratike, me synim mospjesëmarrjen e tyre ne aktivitetet e PD, në fushatë elektorale, në ndihmë të opozitës.

Partia Demokratike i bën thirrje “drejtësisë me regji” të ndalë menjëherë represionin mbi aktivistët dhe te mos vijojë si shtojcë e pushtetit te Edi Rames.

U bëjmë thirrje organizatave te monitorimit nderkombetar të shënojnë dhe të reagojnë për kete nderhyrje brutale ne sistemin e drejtesise te Edi Rames, me qëllim goditjen e kundërshtarit politk dhe deformimin e votës.

Partia Demokratike nuk i braktis mbështetësit e kauzave për një atdhe me drejtësi të ndershme dhe për një Shqipëri Madhështore. Lufta për mbrojtjen e opozitarizmit dhe shpëtimin e Shqipërisë, ka nisur me Foltoren dhe do të përfundojë me fitoren më 11 maj!

Për një Shqipëri Madhështore!