Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

Ditari i Opozitës

PS refuzoi mocionin, Bardhi: Për Olsi Ramën, e shkrijnë Kuvendin

Politiko 15 Prill 2024, 16:58

PS refuzoi mocionin, Bardhi: Për Olsi Ramën, e shkrijnë Kuvendin

Kryetari i Grupit Parlamentar të PD, z. Gazmend Bardhi dha një deklartë për mediat pasi PS ka refuzuar të caktojë një datë për zhvillimin e një mocioni lidhur me trafikun e drogës

Bardhi tha e gjithë kjo situatë është e lidhur me faktin që në trafik është i përfshirë vëllai i Kryeministrit Edi Rama, Olsi Rama.

“Siç edhe pritej, - tha Bardhi, - Konferenca e Kkryetarëve ka refuzuar në shkelje të Kushtetutës dhe të rregullores së propozojë apo caktojë një datë për zhvillimin e mocionit të kërkuar nga Grupit parlamentar i PD për një debat parlamentar sa i takon fenomenit të shitjes, prodhimit apo trafikimit të lëndëve narkotike.
Mocioni ynë bazohej në të dhëna konkrete të raporteve ndërkombëtare që e listojnë Shqipërinë në krye të vendeve problematike për sa i përket prodhimit të lëndëve narkotike, por edhe si rrugë tranziti i transportit ndërkombëtar të  paligjshëm të lëndëve narkotike. 

Ai  ishte tërësisht i bazuar në të drejtën që opozita ka për të kërkuar mocione të tilla, por ashtu si edhe në fakt opinioni publik është njohur gjatë ditëve të shkuara, kur bëhet fjalë për drogë, qytetarëve u shkon në mendje vëllai i Kryeministrit Olsi Rama dhe për këtë arsye edhe kolegëve u shkon mendja të Olsi Rama dhe kur bëhet fjalë për Olsi Ramën, janë të vendosur të shkrijnë Kuvendin e Shqipërisë, rregulloren e Kuvendit, Kushtetutën, siç shkrinë javën e shkuar për llogari të Olta Xhaçkës dhe të Edi Ramës, Gjykatën Kushtetuese.

Padyshim që ne do t’i qëndrojmë mocionit që kemi paraqitur; është e drejtë e deputetëve të opozitës. E vetmja kompetencë që ka në këtë rast kryetarja e Kuvendit dhe Konferenca e Kryetarëve është që të përcaktojnë një datë, por mocioni është i detyrueshëm për t’u realizuar brenda 30 ditëve nga momenti i paraqitjes.
Dua të shpreh keqardhjen për pozitën e vështirë ku kanë rënë kolegët e mazhorancës që do të duhet të shkelin çdo ditë në veprimtarinë e tyre, rregulloren e Kuvendit për shkak të përfshirjes së njerëzve të afërt të Kryeministrit, bashkëpunëtorëve të kryeministrit, familjarëve të kryeministrit, qoftë në afera korruptive, qoftë në afera kriminale. Mirëpo kuvendi nuk mund të shndërrohet në një mekanizëm të mbrojtjes së bashkëpunëtorëve të Edi Ramës,” nënvizoi Gazment Bardhi.  

Të fundit