Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Ditari i Opozitës

Pse SHBA nuk e ka uruar Ramën për fitoren e zgjedhjeve? Mediu: Kemi përcjellë një raport me shkeljet

Politiko 23 Maj 2025, 22:38

Pse SHBA nuk e ka uruar Ramën për fitoren e zgjedhjeve? Mediu: Kemi

Kryeministri Edi Rama vazhdon të jetë në pritje të një urimi nga Shtetet e Bashkuara të Amerikës për rezultatin e 11 majit.

Kryetari i Partisë Republikane, Fatmir Mediu ka komentuar këtë fakt, ku sqaroi se opozita ka përcjellë në Shtetet e Bashkuara një raport ku evidentohen shkeljet zgjedhore të 11 majit, raport i cili sipas tij bazohet edhe në raportin paraprak të OSBE-ODIHR.

Mediu tha në A2 CNN se pavarësisht se flitet për hyrjen e Shqipërisë në Bashkimin Europian brenda vitit 2030, aktualisht shtetet kryesore të BE-së janë kundër zgjerimit.

Mediu:  Pse SHBA nuk e ka uruar Ramën për fitoren e zgjedhjeve?Mediu: Po marr sot pjesën europiane. Europa sot ka një problem të madh, ka nevojë për një histori suksesi dhe histori suksesi quan zgjerimin në Ballkanin Perëndimor. Deri para disa kohësh histori suksesi konsiderohej Mali i Zi, pavarësisht problemeve që ai vend ka me Serbinë dhe Rusinë. Dhe kështu sjellja fashinante e Ramës për të treguar përralla dhe asnjë realitet shqiptar, është bërë një histori e pranueshme, duke treguar që Shqipëria është një vëmendje skajore për BE-në.

Nga një sinjal që ne kemi marrë në Bruksel, na thonë shiko, Europa kështu është, Komisioni, etj, etj. Mos harroni një gjë, nëse marr Presidentin francez që thotë se Shqipëria duhet të jetë pjesë e BE-së deri në 2030, është pikërisht Franca që nuk pranon zgjerimin e BE. Është pikërisht Franca që sajoi këtë Komunitetin Politik të Europës. Është pikërisht Merz dhe nuk thotë asnjë fjalë për zgjerimin dhe është skeptik. Në IDU u tha se janë frenuar emigrantët nga Afrika për të shkuar në Itali, duke u thënë se do të përfundojnë në Shqipëri, që është jashtë Europës.

Pra Shqipëria shihet si gogoli për të frenuar emigrantët nga Afrika. Përsa i përket SHBA-ve, ne kemi përcjellë një raport në SHBA me problematikat e zgjedhjeve, bazuar edhe në raportin e OSBE-së. Kjo duket sikur është një luftë për Berishën, jo. Kjo është një luftë për të garantuar zgjedhje të lira dhe të ndershme. 

Të fundit