Flash News

KQZ: Pjesëmarrja në votime deri në orën 12:00, më e ulët se në 2021

Nusja voton përpara se të shkojë në dasmë në Elbasan: Demokracia para ceremonisë

E paprecedentë! 101 vjeçarja në Fier nuk lejohet të votojë

Denoncon Korreshi: Njerëz të armatosur po intimidojnë qytetarët në qendrat e votimit në Lushnje

Denoncon Luan Baçi: Një kuti votimi ka ardhur me 500 fletë votimi mangët

Ditari i Opozitës

Qytetarët e Malit të Zi në protestë kundër “Ballkanit të Hapur”, Berisha: PD i mbështet plotësisht

Politiko 29 Nëntor 2022, 22:17

Qytetarët e Malit të Zi në protestë kundër

Qytetarët e Malit të Zi janë ngritur në protesta duke kërkuar mbajtjen e zgjedhjeve të reja, si dhe shprehën edhe revoltën e tyre ndaj nismës ‘Ballkani i Hapur’.

Kreu i PD, Sali Berisha në një reagim në Facebook, shkruan se PD mbështet plotësisht protestat e qytetarëve të Podgoricës kundër Ballkanit të Hapur dhe paralajmëron Edi Ramën dhe Vuçiç se nuk do të pranojë samite të kësaj nisme destabilizuese në Shqipëri.

“Qytetarët e Malit të Zi ishin dje në darkë në protestë të fuqishme në Podgoricë kundër Ballkanit të Hapur, aleancës përçarëse trilaterale të serbomadhit Aleksandar Vuçiç dhe vasalëve të tij në Tiranë dhe Shkup.

Ky projekt, që ka si qëllim madhor vendosjen e hegjemonisë serbe dhe influencës ruse në rajon, mbështetet haptas nga diktatori Vladimir Putin dhe ministri i tij Lavrov.

Ky projekt mbështetet gjithashtu edhe nga George dhe Aleks Soros, i kundërvihet procesit të Berlinit dhe mbjell sherr e konfliktualitet në rajonin tonë.

Partia Demokratike e Shqiperisë përshëndet dhe mbështet plotësisht protestat e qytetarëve të Podgoricës kundër Ballkanit të Hapur dhe paralajmëron Edi Ramën dhe padronin e tij Vuçiç se nuk do të pranojë samite të kësaj nisme destabilizuese në Shqipëri.

Mbështetje të plotë qytetarëve të Malit të Zi!”, shkruan Berisha.

 

 

Të fundit