Flash News

Tronditëse në Prrenjas/ 69-vjeçari i vë flakën bashkëshortes, shkak xhelozia

Spiropali ironizon Ramën: Fletë-rrufe, kontroll algoritmik e gjuhë e shthurur

Dhoma Amerikane e Tregtisë ngre alarmin: Korrupsioni dhe monopoli po godasin bizneset në Shqipëri

Rama flet për 'Financial Times', shan protesuesit: F*ck you, nëse thoni se jam 'Kumbari'!

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Opozitës

Smart City/ Alarmi i Berishës: Kamerat e Ramës po monitorojnë shqiptarët 24 orë në ditë

Politiko 23 Qershor 2026, 12:43

Smart City/ Alarmi i Berishës: Kamerat e Ramës po monitorojnë

Kryetari i Partisë Demokratike, Sali Berisha, akuzoi kryeministrin Edi Rama se ka deformuar projektin “Smart City”, duke e shndërruar atë nga një instrument për përmirësimin e shërbimeve publike në një mekanizëm kontrolli dhe mbikëqyrjeje të qytetarëve.

Në një deklaratë për mediat, Berisha tha se koncepti i një qyteti inteligjent synon rritjen e cilësisë së jetës përmes menaxhimit më të mirë të trafikut, transportit, energjisë, parkimit dhe shërbimeve të tjera publike.

Sipas tij, qeveria shqiptare ka ndjekur një drejtim krejt tjetër, duke e orientuar sistemin drejt monitorimit të vazhdueshëm të popullsisë.

Berisha pretendoi se projekti është kthyer në një model të asaj që ai e quajti “Safe Nation”, ku fokusi kalon nga ofrimi i shërbimeve tek identifikimi, gjurmimi dhe mbikëqyrja e qytetarëve përmes teknologjive të avancuara, përfshirë inteligjencën artificiale, njohjen e fytyrës dhe integrimin e të dhënave personale në sisteme të centralizuara.

Sipas kreut demokrat, ndryshimi thelbësor qëndron te fakti se një “Smart City” funksionon mbi transparencën, mbrojtjen e të dhënave dhe shërbimin ndaj qytetarëve, ndërsa modeli që po zbatohet në Shqipëri, sipas tij, rrit rrezikun për cenimin e privatësisë, abuzimin politik dhe profilizimin e individëve.

“Edi Rama, i tmerruar nga qytetarët shqiptarë, po përpiqet t’i vendosë ata nën kontroll të plotë, duke monitoruar çdo lëvizje të tyre. Ky është një model që tejkalon edhe praktikat e shumë regjimeve autoritare”, deklaroi Berisha.

Ai shtoi se përdorimi i këtyre mekanizmave bie në kundërshtim me Kushtetutën e Shqipërisë dhe standardet europiane për mbrojtjen e të dhënave personale, duke e cilësuar situatën si një shkelje të rëndë të ligjit kombëtar dhe ndërkombëtar.

PJESE NGA DEKLARATA

Pra, ‘Smart City’- ‘Safe Nation’ këta oruellianët.
Nga përmirësimi i cilësisë së jetës dhe shërbimeve publike tek kontrolli i popullsisë dhe parandalimi i gjoja kërcënimeve.
Nga shërbimet e trafikut, transporti, energji, parkim, ndotje tek siguri, rend, identifikim, monitorim i sjelljes dhe aktiviteteve.
Nga të dhënat e agreguara anonime për analiza dhe planifikim tek të dhëna personale të identifikueshme në kohë reale në shtetin policesk.
Nga kufizim vetëm në shërbime tek e gjërë dhe e vazhdueshme në shumë nivele dixhitale.
Nga platforma të hapura analitike tek kamera IA, njohje fytyre, të dhëna, integrim në baza të dhënash.
Nga ligje për mbrojtjen e të dhënave tek ligje të gjera shpesh të paqarta dhe të frikshme.
Nga të dhëna dhe algoritme shpesh publike në zero transparencë.
Nga përfitimi i shërbimeve më të mira për qytetarët tek mbikëqyrja e qytetarit dhe profilizimi i tij në shtetin policor.
Nga në funksion të shërbimeve publike, planifikimit urban, politika publike në kontroll, hetim, ndjekje, parashikim të sjelljes dhe profilizim të qytetarit.
Nga rrezik i ulët për privatësinë nëse ka kontroll dhe auditim në rrezik i lartë për privatësinë, abuzim politik dhe diskriminim.
Pra, këto janë dallimet esenciale midis kombit të sigurt dhe qytetit të mençur.
Është një hap tjetër që Edi Rama, i tmerruar nga qytetarët shqiptarë, i tmerruar përpiqet t’i dominojë ata duke i vendosur ata në kontroll të plotë nga mëngjesi gjer në darkë në çdo lëvizje të tyre.
Tejkalon të gjitha regjimet autoritare.
Të gjitha këto vijnë në kundërshtim flagrant me Kushtetutën e Shqipërisë, në kundërshtim flagrant me direktivën e BE.
Pra, janë një shkelje e rëndë e ligjit kombëtar dhe ndërkombëtar dhe e dënojmë me forcën më të madhe.

ZYRA E MEDIAS DHE KOMUNIKIMIT PARTIA DEMOKRATIKE

Të fundit