Flash News

Aksident në Gjermani, humbin jetën dy motrat shqiptare (Emrat)

Qëndresa para Kryeministrisë vazhdon, një grup protestuesish kalojnë natën në bulevard

Posta e mëngjesit/ Me 2 rreshta: Çfarë pati rëndësi dje në Shqipëri

Nis protesta e 22-të kundër Ramës, mijëra qytetarë në shesh

Pas Koçekut ikën Spiropali? Socialistja sfidon hapur Ramën: PS duhet të vetëpastrohet

SPORT

Hakmarrja e 40-vjeçarëve në Botëror: Nga lufta e përjetshme Messi-Ronaldo te heroi i Kepit të Gjelbër!

Politiko 22 Qershor 2026, 10:17

Hakmarrja e 40-vjeçarëve në Botëror: Nga lufta e

Garat e këtij Kampionati Botëror po sjellin histori nga më të ndryshmet, jo gjithmonë të zakonshme për ata që kërkojnë thelbin e sportit më të dashur në botë.

Mes ngjyrave të ndryshme të këpucëve të futbollit dhe pauzave të detyrueshme për t’u freskuar, kemi parë një komentator turk të pezullohet nga puna pasi për 4 minuta po përshkruante ndeshjen Iran – Zelandë e Re duke ngatërruar tërësisht ekipet. Në anën tjetër, në rrugë, tifozët meksikanë janë bërë një trup dhe një shpirt me ata koreano-jugorë, një vëllazërim i papritur sportiv.

Por në rrafshin e fushës së blertë, ky Kampionat Botëror po kthehet në “hakmarrjen e 40-vjeçarëve”. Përtej makinerisë norvegjeze të Erling Haaland, e cila tregon se ka cilësi dhe një të ardhme të frikshme, apo atij portierit heroik nga Kepi i Gjelbër, Vozinha, i cili thuajse i vetëm bllokoi kampionët e Europës, vëmendja kryesore mbetet te veteranët.

Portieri skocez Craig Gordon kryeson listën si më i moshuari, me mbi 43 vjeç. Pas tij renditet Cristiano Ronaldo me mbi 41 vjeç, portieri meksikan Guillermo Ochoa gjithashtu 41 vjeç, dhe lideri kroat Luka Modriç rreth 40 vjeç. Lista e të pathyeshmëve plotësohet nga emra si Edin Dzeko, Manuel Neuer dhe Fernando Muslera.

Me përjashtim të portierëve, jetëgjatësia e të cilëve shpesh tolerohet më shumë, lojtarët e fushës duket se po thyejnë ligjet e biologjisë. Lionel Messi, në moshën e tij, ka shënuar tashmë një tregolësh (“hat-trick”) që në debutimin e Argjentinës – aty ku përballë kishte djalin e Zidane si portier të Algjerisë – duke u shfaqur si një makineri perfekte që di të menaxhojë energjitë e tij me mjeshtëri gjatë gjithë lojës. Ndërkohë, Cristiano Ronaldo “zien” nga brenda për shkak të “thatësirës” së tij para portës, me fiksimin e pandalshëm për të arritur kuotën e 1000 golave në karrierë apo dëshirën për të luajtur sërish. Ai mbetet njeri i varur nga mentaliteti i fituesit, tejet kërkues ndaj vetes, por që nuk lë asnjë tifoz pa i plotësuar dëshirën për një fotografi apo një autograf.

A është ky thjesht një Botëror i veteranëve? Një gjë është e sigurt: përballja mes Messit dhe Ronaldos, të dy pjesëmarrës në Botërorin e tyre të gjashtë, mbetet po aq magjepsëse për t’i dhënë përgjigje pyetjes së përjetshme se kush është më i miri.

Dhe për të shtuar edhe më shumë “erëza” në këtë edicion, nuk mungojnë as ngjarjet jashtë fushës, si rasti i një tifozeje mjaft tërheqëse dhe të paidentifikuar që ka “çmendur” rrjetet sociale dhe shkallët e stadiumit, rënia e Kroacisë përballë Anglisë, apo edhe një Brazil nën drejtimin e Carlo Ancelottit që ende nuk po gjen identitetin e tij. Gjithçka shërben si një oretik i shkëlqyer për rrugëtimin spektakolar deri në finalen e madhe të 19 Korrikut./tch

Të fundit