Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Dy pyetjet që mundojnë Ramën çdo mëngjes, përgjigjen e tyre e jep Ina Zhupa

Politiko 2 Shtator 2017, 16:50
Dy pyetjet që mundojnë Ramën çdo mëngjes,

Në një forum të organizuar dje në Paris, kryeministri Edi Rama deklaroi se çdo mëngjes e mundonin dy pyetje: 1- A jam duke e ndihmuar popullin tim dhe vendin tim që t’u bëjë ballë sfidave? 2- A jam duke e ndihmuar popullin tim që të bëjë një jetë më të mirë?

Rama nuk sqaroi nëse e kishte përgjigjen për pyetjet pas përfundimit të mandatit të parë si kryeministër. Gjithsesi, një përgjigje për to e ka zëdhënësja e PD-së, Ina Zhupa.

Zhupa i numëron Ramës të gjitha veprimet që ai ka ndërmarrë dhe që kanë ndikuar në vështirësimin e jetesës në Shqipëri dhe rritjen e pabarazisë.

Zëdhënësja e demokratëve shprehet se kryeministri i njeh shumë mirë problemet me të cilat përballen shqiptarët për shkak të keqqeverisjes, por atij i intereson të luajë rolin e babait të popullit që mendon natë e ditë për të mirën tonë.

Në fund, Ina Zhupa jep versionin e pyetjeve që sipas saj mundojnë në të vërtetë Edi Ramën: 1.Si po më shkon propaganda, çfarë mund të bëj më mirë sot? 2.Kush do jetë plani i radhës për të kapur paratë publike për vete dhe klientët e oborrit?

Lulzim Basha për Gramoz Ruçin: SHBA i refuzon hyrjen që në 2005-ën. Ju tregoj projektin e Ramës për “PS+”

Reagimi:

Rama paska thënë që kam 2 pyetje në mend kur qeveris:

A jam duke e ndihmuar popullin tim dhe vendin tim që t’u bëjë ballë sfidave? A jam duke e ndihmuar popullin tim që të bëjë një jetë më të mirë?

SERIOZISHT???????

Falë kontributit të Ramës dhe qeverisë së tij, 40 biznese në ditë, 1200 në muaj (18 000 në një vit) mbyllen prej taksave të larta, gjobave të qeverisë dhe korrupsionit. Deri më tani mbi 20 mijë punonjës në muaj mbeten pa të ardhura.

Falë Ramës shqiptarët paguajnë 500 dollar më shumë taksa dhe marrin më pak të ardhura.

Falë Ramës shqiptarët paguajnë më shtrenjtë energjinë elektrike, paguajnë më shtrenjtë ujin e pijshëm.

Falë Ramës shqiptarët janë të dytët në Europë për azil kërkues.

Falë Ramës që rriti borxhin publik në 8.1 mld Euro, secili prej nesh sot ka një borxh shtesë prej 870 euro për të shlyer.

Falë Ramës shqiptarët rrezikojnë lëvizjen e lirë në Europë.

Falë Ramës shpenzimet publike për shëndetin janë 25 herë më pak se mesatarja e Europës por edhe në këto 83 Euro që i bie për frymë shqiptarëve ja jep klientëve të koncensioneve.

Falë Ramës shqiptarët nuk arsimojnë dot fëmijët e tyre në shkollën që duan, dhe me tarifa të përballueshme.

Falë Ramës Shqipëria është në hartën e botës me pikë të kuqe, si vend prodhues dhe trafikues i drogave.

Falë Ramës oligarkët janë pasuruar më shumë dhe shqiptarët janë varfëruar më shumë. Në katër vjet janë shpenzuar 524 milion USD koncesione abuzive.

.......

Mesa duket JOOO nuk je duke ndihmuar popullin të bëj një jetë më të mirë.

Në fakt Rama këto i di shumë mirë por i duhet të luaj rolin e babait të popullit që mendon natë e ditë për të mirën tonë!!!!!!

Dy pyetjet që ka Rama çdo ditë në mendje me siguri janë:

  1. Si po më shkon propaganda, çfarë mund të bëj më mirë sot?

  2. Kush do jetë plani i radhës për të kapur paratë publike për vete dhe klientët e oborrit?

Të fundit