Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykata Speciale refuzon lirimin e Hashim Thaçit për të marrë pjesë në varrimin e babait

30 shtete bëhen bashkë për të dërguar trupa paqeruajtës në Ukrainë

Edi Rama e ka gojën plot me BE; por mos e hani

Aksident në afërsi të mbikalimit të Patokut, raportohet për 4 persona të lënduar

E-TJERA

Dënohet me 11 vite burg shqiptari në Kretë për pë*dhunim në grup dhe vjedhje

Politiko 15 Shkurt 2025, 09:51

Dënohet me 11 vite burg shqiptari në Kretë për

Një 48-vjeçar shqiptar, baba i katër fëmijëve, është dënuar me 11 vjet e 3 muaj burg nga Gjykata e Apelit në Kretë, pasi u shpall fajtor për disa vepra penale, përfshirë përdhunim në grup, vjedhje, dhunë ndaj policisë dhe hyrje të paligjshme në Greqi.

Sipas mediave greke, shqiptari me banim në Chania ka mohuar të gjitha akuzat, përveç vjedhjes, por nuk ka bindur gjykatën, e cila konfirmoi vendimin e shkallës së parë. Ai do të rikthehet në burgun e Grevenës, ku mbahej që nga arrestimi në vitin 2021.

Si u zbardh rasti?
Ngjarja u zbulua më 17 gusht 2021, kur një çift turistësh irlandezë u grabitën ndërsa notonin natën në plazhin e Platanias. Ata përdorën aplikacionin e gjurmimit të telefonit dhe gjetën të pandehurin bashkë me një tjetër person, të cilët kishin marrë një iPhone, një portofol dhe një orë me vlerë 500 euro.

Hetimet zbuluan se 48-vjeçari kishte marrë pjesë edhe në përdhunimin në grup të një turisteje suedeze më 11 gusht, në të njëjtën zonë.

Gjatë gjyqit, i cili zgjati rreth katër orë, u lexuan dëshmitë e dëshmitarëve dhe dy policë dëshmuan personalisht. Pavarësisht mungesës së viktimave në gjykatë, shqiptari u dënua mbi bazën e provave të siguruara nga hetuesit.

Të fundit