Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

E-TJERA

Denoncoi Vangjush Dakon, flet banori: Me gjithë ato lekë që ka marrë, do bëjë 6 muaj burg, aq i bëj edhe unë

Politiko 8 Qershor 2023, 11:42

Denoncoi Vangjush Dakon, flet banori: Me gjithë ato lekë që ka

Bashkim Gjika është një nga banorët e pallatit i cili çoi në burg ish-kryebashkiakun e Durrësit, Vangjush Dako.

Gjika ka treguar për mediat se lëvizja e SPAK-ut me arrestimin e Dakos, është një lëvizje politike. Banori thotë se kur ka parë apartamentin, vuri se nuk ishte në rregull dhe pas shkatërrimit nga tërmeti i 26 nëntorit, ka bërë një seri denoncimesh, por pa rezultat.

Gjika hedh akuza ndaj prokurorit se ka fshehur provat për Dakon. Gjika thotë se Dako ka marrë një sasi të madhe parash dhe në fund do të bëjë 6 muaj burg.

“E kam blerë në gropë apartamentet. I kam paguar. Kur erdha nuk mund duk shtëpia në rregull dhe bëra denoncimin për firmën dhe personelin bashkiak. Më pas ra tërmet dhe u prish shtëpia. Kam bërë denoncime të pandërprera, dhe në SPAK dhe në Ambasadës Amerikane. Kërkoj shtëpinë time, kaq dua. Prokurori Bledar Bejko ka fshehur të gjitha provat. Pas 4 vitesh nga tërmeti, asgjë nuk është bërë. I drejtohem çdo javë KPA. Ai kaloi vettingun në shkallë të parë dhe s’më takonte më dhe thoshte; fatkeqësi natyrore. Pallati nuk kishte asnjë pilotë dhe ndaj është ndërtuar jashtë procedurave dhe ndaj ka rënë. 85 cm është anuar. Ndaj s’e ka mbajtur dot veten. Është jashtë çdo standardi. Nuk duhet të jetojnë as njerëzit që janë dhe përqark, dhe jo më brenda jo e jo. Vendimi i shembjes ka dalë. Duhet të shembet dhe të rindërtohet. Pallatit tonë nuk i ka dalë emri për t’u strehuar diku, pasi është pallat i denoncuar. Kjo është politikë. Këtu është bërë diçka politike. Po luhet diçka tjetër, kjo nuk është provë. Pronarit të kompanisë nuk i janë bllokuar asgjë. Nuk ka asnjë provë. Që të bllokoheshin bankat në moment. Me gjithë ato lekë që ka marrë ai, do bëjë 6 muaj burg. Po ashtu shkoj dhe unë dhe bëj burg.

Ne kemi qenë 44 familje, kërkojmë hyrjet tona. Ne menduam se vdiqëm, Zoti e di se si kam dalë. Unë jam me diabet, më ka nxjerrë një banor. Ne duam rindërtimin e pallatit dhe lekët e gjëra që kemi lënë brenda. Po jetoj me qira, dhe se marrim as bonusin e qirasë. Po bëj 2-3 muaj që nuk marrim lekë më, janë hedhur të gjitha për votime”, tha ai.

 

Të fundit