Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

Detajet/ Kryeprokurori i Kukësit pushoi çështjen e të arrestuarit për trafik droge sapo mori 2 mijë euro, si u vunë në kontakt

Politiko 3 Korrik 2021, 11:05

Detajet/ Kryeprokurori i Kukësit pushoi çështjen e të

Janë zbardhur detaje të reja nga dosja hetimor e drejtuesit të Prokurorisë së Kukësit, Edmond Karriqi, i cili u arrestua nën akuzën për korrupsion së bashku me tre persona e tjerë; Isuf Gega, Emirjan Beu dhe Dritan Dedja.

Në datën 21 nëntor 2019, në Kukës janë arrestuar shtetasit Ramadan Dedja, Eraldo Braka, Elidon Koka, Erges Xherri dhe Leandro Pasha, të cilët dyshoheshin për akuzën e mbajtjes dhe të prodhimit të lëndëve narkotike. Ata janë lënë fillimisht në masën "arrest me burg", në pritje të akt ekspertimit. Në atë periudhë dosja në fjalë ka qenë në dorë të një tjetër prokurori, por për shkak të lëvizjeve të vettingut, ka kaluar në dorën e prokurorit Edmond Karriqi.

Në dosje thuhet se “shtetasi Emirjan Beu ka telefonuar Isuf Gegën dhe e ka pyetur nëse kishte njohje me prokurorin, Edmond Karriqi”.

Gega, sekretar në prokurorinë e Kavajës, ka pretenduar se ka njohje dhe ka udhëtuar në drejtim të Kukësit, ku sipas dyshimeve ka zhvilluar në zyrën e Prokurorit një takim. Më pas është Dritan Dedja, vëllai i Ramadan Dedës, i cili ka komunikuar në mënyrë të vazhdueshme me Isuf Gegën, duke tentuar dhe duke ndërhyrë për lirimin nga burgu të vëllai të tij, Ramadan Dedja.

Nga hetimet rezulton që Dritan Dedja dëgjohet teksa telefonon një të afërm dhe i thotë se ‘të hënën do t’i dërgojmë paratë’.

Dritan Dedja dhe Emirjan Beu kanë shkuar më pas në një pikë të këmbimit valutor në pronësi të babait të një tjetër të arrestuari nga ky grup dhe kanë këmbyer lekët nga dollarë në euro. Bëhet fjalë për 2 mijë euro të cilat dyshohet se i janë dhënë prokurorit Edmond Kariqi. Më pas, është filmuar vetë kryeprokurori i Kukësit, i ulur në të njëjtën tavolinë me Isuf Gegën dhe Dritan Dedjan.  Fillimisht është ulur drejtuesi i prokurorisë së Kukësit, bashkë me Gegën dhe pasi kanë biseduar për disa minuta, Gega është larguar për t’u kthyer më pas në një tjetër lokal bashkë me Dritan Dedjan.

Pasi janë kryer të gjitha këto veprime dhe takime ndërmjetësuese mes palëve, është kryer një akt ekspertimi, i cili nuk është dorëzuar sipas ligjit, por është marrë dorazi dhe sipas këtij akti ekspertimi që kishte të bënte me lëndën narkotike, prokurori Edmond Kariqi ka vendosur dhe pushimin e çështjes për personat që ishin arrestuar në nëntor 2019.

SPAK ka pritur deri sa prokurori të firmoste vendimin e pushimit të çështjes dhe më pas ka ndërhyrë duke bërë arrestimin e tij në shëtitoren kryesore në Kavajë bashkë me Isuf Gegën. Ndërkohë që dy personat e tjerë, Emirjan Beu dhe Dritan Dedja nuk janë arrestuar ende.

Të fundit