Eksperti nxjerr ‘prapaskenat’ e vendimit për mësimin e alternuar: Ka të bëjë me numrin e mësuesve të infektuar, arsyeja që po i fshehin

Eksperti i ekonomisë, Pano Soko ka ngritur dyshimet se shkak për rekomandimin e Komitetit Teknik të Ekspertëve për zhvillimin e mësimit të alternuar nga 1 dhjetori është bërë mungesa e mësuesve të infektuar me covid-19.

I ftuar në ‘open’, Soko thotë se numri i mësuesve të infektuar mund fshihet që të mos akuzohet qeveria për dështim.

“Nuk ka asgjë nëse thuhet, se në pandemi jemi, por numri i mësuesve të infektuar mund fshihet që të mos akuzohet qeveria për dështim”, tha Soko.

 Pas kësaj deklarate, Albana Fico, drejtoresha e ISHP e ka hedhur poshtë këtë konstatim.

“ Kjo masë parandaluese në kushtet e një pandemie ka në bazë kujdesin për shëndetin e fëmijëve. Incidenca e rasteve të mësuesve të infektuar shkon 2.1, por me shifra reale nuk i kam të dhënat.

Vendimi i sotëm nuk ka të bëjë. Në krye të herës kur u hapën shkollat ministria e Arsimit garantoi një grup mësuesish zëvendësues. Në këtë grupim ka qenë që ka funksionuar mirë. I vetmi problem nuk ka qenë protokollet e sigurisë brenda shkollës, por ka qenë grumbullimi para shkollave”, tha Fico.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm