Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Skandali/ Sasi të mëdha nafte derdhen në Parkun Kombëtar të Vjosës, a rrezikohet marrja e statusit nga UNESCO?

Aksident në aksin Pukë–Shkodër, dy të lënduar

Raporti i delegacionit të Asamblesë Parlamentare për 11 Majin: PS përdori administratën në fushatë, pati presion mbi votuesit

Memli Krasniqi rizgjidhet kryetar i PDK-së

E-TJERA

I dënuar për prostitucion në Itali, kush është presidenti i Korabit që u arrestua në Dibër

Politiko 7 Korrik 2023, 11:06

I dënuar për prostitucion në Itali, kush është

Ditën e sotme policia njoftoi arrestimin e Fehmi Mëziu 51 vjeç, i akuzuar nga Italia për prostitucion.

Fehmi Mëziu, rezulton të jetë edhe Presidenti i klubit të futbollit Korabi, ndërsa pritet që të ekstradohet drejt Italisë. Mëziu është dënuar nga autoritetet italiane me 13 vjet burg.

“Operacioni u zhvillua nga FAST Albania, në bashkëpunim të ngushtë me DVP Dibër dhe me Interpol Tiranën. I dënuar me 13 vjet burgim, nga Gjykata e Apelit në Napoli, Itali, për organizatë kriminale dhe shfrytëzim prostitucioni, arrestohet me qëllim ekstradimin drejt Italisë, 51-vjeçari.

Si rezultat i bashkëpunimit dhe shkëmbimit të informacioneve në kohë reale, të mbështetura dhe nga inteligjenca policore, për lokalizimin, kapjen dhe arrestimin me qëllim ekstradimin, të një shtetasi të kërkuar ndërkombëtarisht, FAST Albania, në bashkëpunim me Drejtorinë Vendore të Policisë Dibër, ka organizuar dhe finalizuar operacionin policor të koduar “Rezultati”, i zhvilluar në qytetin e Peshkopisë, në kuadër të të cilit, u lokalizua, u kap dhe u arrestua me qëllim ekstradimin drejt Italisë, shtetasi i shpallur në kërkim ndërkombëtar Fehmi Meziu (Mëziu), 51 vjeç, banues në Dibër.

Gjykata e Apelit në Napoli, Itali, e ka dënuar këtë shtetas, me 13 vjet burgim, për veprat penale “Shfrytëzim prostitucioni” dhe “Organizatë kriminale’’, të parashikuara nga Kodi Penal i Italisë. Interpol Tirana vijon bashkëpunimin me Interpol Romën, për ekstradimin e këtij shtetasi drejt Italisë.”, thuhet në njoftimin e Policisë.

Të fundit