Flash News

Evazioni i rigonit që ktheu Muçin në meme

Edi Rama kundër popullit, ‘në emër të popullit’

Shembet me tritol ndërtesa e fundit në Theth, tymi mbulon zonën

Pushteti vendor nën diktatin e Ramës, Afrim Krasniqi për Politiko: Devijim nga demokracia dhe Kushtetuta, institucionet heshtin

Merr flakë në ecje autobusi në Gjirokastër-Sarandë

E-TJERA

Atentati ndaj Pjetër Kazës/ Merret në pyetje Preng Gjini, zbardhet dëshmia para hetuesve

Politiko 22 Qershor 2025, 15:33

Atentati ndaj Pjetër Kazës/ Merret në pyetje Preng Gjini,

Detaje të reja kanë dalë në dritë nga atenati i regjistruar në Talë të Lezhës, ku u ekzekutua me 12 plumba në derën e banesës, Pjetër Kaza.

Ngjarja e rëndë ndodhi më 1 qershor të këtij viti, ndërsa burime për mediat bëjnë me dije se lidhur me rastin është marrë në pyetje Preng Gjini, pasi dyshohet si person i implikuar në ngjarje nisur nga përplasjet mes dy fiseve që kanë nisur 3 dekada më parë.

Bëhet me dije se gjatë marrjes në pyetje nga hetuesit, Gjini, ka mohuar të ketë lidhje me ngjarjen dhe ka pretenduar se në kohën kur ka ndodhur krimi i rëndë ai është gjendur në Tiranë.

Gjini ka dhënë po ashtu prova lidhur me alibinë e tij, por hetuesit dyshojnë se ai dhe kushëriri i tij i shpallur në kërkim kanë rolin e organizatorit në krim. Fiset Gjini dhe Kaza njihen në Lezhë për sagën e hakmarrjes mes tyre që prej vitit 1994.

Seria e hakmarrjeve

Më datë 7 Janar të vitit 1994, qyteti i Rrëshenit u trondit nga vrasja e Shefit të Krimeve, Ndue Kaza. Ai dyshohet se u qëllua me armë zjarri në mes të qytetit nga Dod Gjini dhe Augustin Gjini, të cilët pas ngjarjes u arratisën.

Në vitin 1997, shtetasi Martin Kaza ka vrarë për hakmarrje në qytetin e Laçit, vëllezërit Dod Gjini dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1994.

Martin Kaza është dënuar për vrasjen me 22 vite burg për veprat penale “vrasja me paramendim, e kryer në bashkëpunim” si dhe “armëmbajtje pa leje”.

Kaza u arrestua në Londër, ndërsa në vitin 2017 u ekstradua dhe vijon të kryej dënimin në Shqipëri.

Edhe pse Martin Kaza ndodhet në burg, kjo nuk e ka ndalur gjakun mes fiseve. Edhe pas kaq vitesh, ku shënjestra e fundit ishte Agustin Kaza. Ai ishte duke pirë një kafe, kur një person i maskuar ju afrua dhe e qëlloi me 4 plumba.

Edhe vrasja e Pjetër Kazës (1 qershor), dyshohet se ka për motiv sagën e gjakmarrjes mes dy fiseve, që ka shënuar edhe viktimën e pestë, por ngjarja vijon të jetë ende në sitën e hetimeve. 

Të fundit