Flash News

Shkoi për të peshkuar, gjendet i vdekur i moshuari në Kuçovë

Tensionet në veri, Shefi i NATO-s: 700 forca shtesë në Kosovë

Pesë turistë çekë humbin rrugën në zonën turistike në Pogradec

Të shtënat me armë në Florida, nëntë persona të plagosur

Apeli i Borrell: Kosova të pezullojë operacionet policore në Veri

E-TJERA

Jeton Lami refuzon ofertën e SPAK, zgjedh heshtjen për fatin e Ervis Martinajt

Politiko 31 Mars 2023, 20:07

Jeton Lami refuzon ofertën e SPAK, zgjedh heshtjen për fatin e Ervis

Struktura e Posaçme kundër Korrupsionit dhe Krimit të Organizuar negocioi me ish-agjentin e Operacionales, Jeton Lamin për ta kthyer në bashkëpuntor të drejtësisë.

Burime për "TvKlan" pranë Prokurorisë së Posaçme (SPAK) kanë konfirmuar këtë tentativë, por sërish ish-efektivi nuk ka pranuar të flasë.

Bashkëpunimi me Jeton Lamin konsiderohet me tepër rëndësi për SPAK, pasi konsiderohet si personi i fundit që pati kontakt me të zhdukurin, Ervis Martinaj, i cili mund të zbardhë "fatin" e tij.

Sot, për të, drejtuesi i Prokurorisë së Posaçme, SPAK, Altin Dumani, në një takim informal me gazetarët, është shprehur se po hetohet çështja, por në lidhje me dëshminë e efektivit të arrestuar si truprojë e Martinajt, Jeton Lami, nuk ka asnjë të re.

Ish-agjenti i Operacioniales u arrestua në Gusht të 2022, vetëm disa ditë pasi familja e Ervis Martinajt kallëzoi humbjen e kontakteve me të shumëkërkuarin. Jeton Lami rezultoi ndër personat e fundit që kishte patur kontakte me Martinajn, e vërtetuar dhe me pamje filmike në një hotel në Durrës.

 Por që nga gushti dhe deri më tani, Jeton Lami nuk ka pranuar që të flasë. Për Jeton Lamin, më 26 dhjetor, Prokuroria e Kurbinit zgjati edhe me 3 muaj të tjerë afatin e hetimit, duke arsyetuar se do të kryejë veprime të tjera hetimore.

Ervis Martinaj rezulton i zhdukur që prej 9 gushtit. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles.

 Por, në 9 gusht, u zhduk pa gjurmë. Alarmin e ngritën familjarët e Martinajt dhe tashmë prokuroria po heton për rrëmbim personi dhe inskenim.

Të fundit