Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Mes Tavos dhe Gjikurisë, Himara zgjedh sot kryetarin e ri të bashkisë

Politiko 4 Gusht 2024, 08:10

Mes Tavos dhe Gjikurisë, Himara zgjedh sot kryetarin e ri të

Banorët e Himarës zgjedhin sot kryetarin e ri të bashkisë.

Në garë janë Vangjel Tavo si përfaqësues i PS dhe Petro Gjikuria, i mbështetur nga PD dhe partitë të tjera opozitare.

Qendrat e votimit janë hapur që në orën shtatë të mëngjesit. Gjithësej janë 36 qendra votimi në tre njësitë administrative të bashkisë Himarë. 

23 mijë e 74 qytetarë të Himarës janë thirrur t'i drejtohen sot kutive të votimit për të zgjedhur kryetarin e ri deri në 19:00 kur të largohet votuesi i fundit.  Qendrat e votimit monitorohen nga kamerat, ndërsa aplikohet identifikimi elektronik.

Ndërkohë shpërndarja e materialeve zgjedhore në qendrat e votimit u përfundua ditën e djeshme.

Në këtë proces zgjedhor janë të angazhuar 52 punonjës policie që do të sigurojnë materialet zgjedhore në 36 qendrat e votimit.

Policia ndër të tjera u ka bërë apel qytetarëve dhe subjekteve të përfshira në këtë proces, që të respektojnë plotësisht të gjitha detyrimet ligjore me të cilat i ngarkon Kodi Zgjedhor dhe ligjet e tjera.

Kujtojmë se zgjedhjet për Kryebashkiak të Himarës zhvillohen pak më shumë se një vit nga zgjedhjet e mbajtura më 14 maj të 2023-it, ku Fredi Beleri, rezultoi fitues, por nuk arriti të ushtronte detyrën pasi dy ditë para zgjedhjeve u arrestua nga policia me akuzën e korrupsionit zgjedhor.

Pavarësisht betejës ligjore, Beleri u dënua me dy vjet heqje lirie, duke humbur kështu mandatin. 

 

 

Të fundit