Partia e Jozefina Topallit dorëzon listat për deputetë në KQZ

Partia e Jozefina Topallit, “Lëvizja për Ndryshim”, është e para që ka dorëzuar listat me emrat e kandidatëve për deputetë pranë Komisionit Qendror të Zgjedhjeve.

Ka qenë vetë Topalli ajo që ka shkuar në ambientet e KQZ për të dorëzuar fletët me emrat, ndërsa bie në sy se vetë ka zgjedhur të garojë në katër qarqe: Durrës, Tiranë, Shkodër dhe Lezhë.

“Lëvizja për Ndryshim” kandidon për herë të parë në zgjedhjet e 25 prillit.

Ndërkohë, dita e sotme është afati i fundit, që deri në orën 00:00 partitë të dorëzojnë listat e tyre të kandidatëve pranë KQZ-së.