Ralf Gjoni: Nëse partitë e vogla s'bashkohen në një listë, do jenë në shërbim të Ramës

Deputeti Ralf Gjoni iu ka bërë thirrje partive të vogla që të garojnë në një listë të përbashkët në zgjedhjet qendrore, pasi sipas tij, ndryshe do të jenë vota për kryeministrin Rama.

Gjoni e sheh të pamundur që një parti e vetme të marrë mesatarisht 10 mijë vota, duke shtuar më tej, që një problem tjetër është dhe mosdepolitizimi i administratës.

"Nëse nuk bashkohemi në një koalicon të gjitha këto parti të vogla, të reja, nuk do jenë gjë tjetër përveç se presje dhjetore në favor të Edi Ramës dhe mazhorancës. Jemi në sekondat e fundit, nuk ka ngelur shumë kohë, pa u bërë një koalicion, e shoh të vështirë që të marrë mesatarisht 10 mijë vota i vetëm, bashkimi bën fuqi, dhe nëse nuk bashkohemi atëherë jemi në përsëritje të modelit të vjetër.Kemi muaj që flasim me të gjithë faktorët, kam bërë takime me eksponentë të ndryshëm, kemi qenë deri vonë në takim me Murrizin dhe Hajdarin, por duket e pamundur që të arrijmë një listë të përbashkët kundër pushtetit, besoj që do jetë e vështirë për të marrë votat dhe me mosdepolitizimin e administratës i bie që votat do të numërohen nga të vjetrit dhe në këtë kontest, nëse nuk shkohet në koalicione nuk do të kemi as zgjedhje të lira e as të barabarta", tha Gjoni në Report tv.

Kjo mosdakordësi, thotë se i lë shumë dyshime mbi motivet që kanë, në një kohë që jo pak herë janë etiketuar si "shtojca të Ramës". "Më fut në dyshime për motivacionin e këtyre personave", tha Gjoni.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm