E-TJERA

Rreth 3 mijë e 300 ha tokë e përmbytur në Lezhë e Shkodër, si paraqitet situata

Rreth 3 mijë e 300 ha tokë e përmbytur në Lezhë e
Foto Ilustruese

Gjatë orëve të fundit reshjet e shiut janë ndërprerë. Autoritetet kanë bërë me dije si është situata aktuale në zonat e përmbytura.

Bashkia e Shkodrës bën me dije se sipërfaqja totale e përmbytur është 1,910 hektarë. Gjithashtu njofton se ka nisur ndarja e ndihmave për disa zona të prekura si, fshatrat Shirq dhe Obot.

Ndërkohë vazhdon të jetë e bllokuar rruga për në Obot për mjetet e ulëta, është e kalushme vetëm me mjete të larta, thotë Bashkia Shkodër. Sipas kësaj të fundit ujësjellësi Oblika 1 si pasojë e përmbytjeve është jashtë funksionit.

Emergjencat Civile në Prefekturën e Lezhës bëjnë me dije se niveli i ujit në lumenj dhe hidrovore është në rënie. Raportohet se nën ujë janë 1370 ha tokë bujqësore.

Reshjet dendura të shiut kanë sjellë dëmtime në shumë rrugë të vendit. Kjo gjë ka ndodhur së fundmi me aksin Rrëshen-Bukmirë, në të cilin ka pasur rrëshqitje dherash.

Ndërkohë ka nisur puna për zhbllokimin e aksit Krujë-Qafshtamë, e cili prej dy sitësh ka qenë i bllokuar.

Ditari politik

Të fundit