Flash News

I jepet lamtumira e fundit Gjovalin Prendit, ceremonia mortore nën masa të rrepta sigurie

Video/ Berisha niset drejt Dibrës, mbështetësit e presin me padurim në mes të rrugës

Gjirokastër/ Shfrytëzonin për pro*titucion një 26-vjeçare, arrestohen 2 tutorët

Abuzim në Doganën e Kapshticës, procedohen penalisht 6 zyrtarë

Aksident në Kërçovë-Gostivar, 3 të vdekur, 8 të plagosur

E-TJERA

Sherr në varrezat e Durrësit, plagosen babë e bir

Politiko 18 Prill 2025, 16:58

Sherr në varrezat e Durrësit, plagosen babë e bir

Një ngjarje e pazakontë dhe e rëndë është regjistruar në varrezat e qytetit të Durrësit, ku një konflikt mes tre familjarëve ka përfunduar me plagosjen e dy personave, babë e bir.

Sipas njoftimit zyrtar të Policisë së Durrësit, ngjarja ka ndodhur më 17 prill, ndërsa sot është bërë i ditur arrestimi i autorit të dyshuar. Ai është shtetasi A. V., 37 vjeç, i cili dyshohet se ka goditur me send të fortë shtetasit R. Ç., 76 vjeç dhe O. Ç., 41 vjeç, të afërm të tij.

Të plagosurit janë transportuar menjëherë në spital, ku po marrin ndihmën e nevojshme mjekësore. Fatmirësisht, mësohet se ndodhen jashtë rrezikut për jetën.

Policia nuk ka bërë ende të ditura shkaqet konkrete të sherrit, por burime jozyrtare nuk përjashtojnë mundësinë që përplasja të ketë ndodhur për motive pronësie, apo pas një vizite në varrin e ndonjë të afërmi të përbashkët.

Grupi hetimor po punon për zbardhjen e plotë të rrethanave të ngjarjes dhe identifikimin e motivit të konfliktit që çoi në këtë akt dhune brenda familjes, në një vend ku zakonisht mbizotëron qetësia.

Të fundit