Flash News

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

E-TJERA

Shqipëria i kërkon sërish ndihmë Greqisë, vijnë dy avionë për shuarjen e zjarrit aktiv prej 4 ditësh në malin e Çikës

Politiko 14 Korrik 2022, 17:53

Shqipëria i kërkon sërish ndihmë Greqisë, vijnë dy

Shqipëria i ka kërkuar sërish ndihmë Greqisë për ndërhyrjen nga ajri për shuarjen e flakëve.

Pas një zjarri aktiv prej katër ditësh në malin e Çikës, Greqia i është përgjigjur kërkesës së autoriteteve shqiptare, duke dërguar sot dy avionë për shuarjen e flakëve në malin e Çikës, që i favorizuar nga era i afrohej Dhërmiut të mbushur me pushues.  

Lajmi ëhstë bërë i ditur nga ministri i Mbrojtjes, Niko Peleshi me një postim në Facebook.

“Dy avionë të tipit Canadair për shuarjen e zjarreve vijnë si mbështetje nga Mekanizmi Evropian i Mbrojtjes Civile për Shqipërinë.

Sapo nisi ndërhyrja nga ajri për fikjen e flakëve në malin e Çikës, ku prej orësh po punojnë edhe rreth 100 efektivë të Forcave të Armatosura, zjarrëfikës, punonjës të emergjencave civile dhe strukturave vendore”, shkruan ministri.

Edhe Komisioneri për Menaxhimin e Krizave, Yanes Lenarsic, në një postim në Twitter, thekson: “ Nxehtësia po godet edhe Evropën Juglindore, ka rrezikshmëri të lartë zjarresh. Pas një kërkese për ndihmë nga Shqipëria, nëpërmjet Mekanizmit të Mbrojtjes Civile të BE-së, Greqia ofroi ndihmë. Dy avionë zjarrfikës janë nisur tashmë drejt Shqipërisë.”

Nga zjarri aktiv prej 4 ditësh janë djegur rreth 70 hektarë pyje.

Edhe një muaj më parë, 4 ditë pasi ishulli i Sazanit mbeti nën pushtetin e flakëve, u desh ndërhyrja nga ajri dhe ndihma nga shteti grek, i cili vuri në dispozicion dy avionë, për neutralizimin e zjarrit. 

Të fundit