Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

‘Të çon në arbitrazh’: Pse nuk sekuestrohet ‘inceneratori’ i Tiranës sipas Dumanit

Politiko 31 Mars 2023, 22:07

‘Të çon në arbitrazh’: Pse nuk sekuestrohet

Kreu i Prokurorisë së Posaçme, Altin Dumani la të kuptohej të premten në një takim me gazetarët se institucioni që ai drejton nuk ka ndërmarrë ende veprime për sekuestrimin e inceneratorit të Tiranës për shkak të ndonjë padie të mundshme arbitrazhi – një argument i ngjashëm ky me atë të qeverisë që vazhdon ta paguajë kompaninë koncesionare.

I pyetur nga BIRN se përse Prokuroria nuk ka vepruar për Tiranën njësoj si me projektet koncesionare në Elbasan dhe Fier, Dumani u përgjigj se: “ka shoqëri pas shoqërie dhe duhet të gjendet pronari real, se të çon në arbitrazh”.

Kreu i SPAK deklaroi gjithashtu se nga hetimet ka rezultuar se pronësia për kompaninë e inceneratorit të Tiranës qëndron kompani pas kompanie dhe për këtë nevojitet më shumë kohë për të gjetur lidhjet. Po ashtu, ai pranoi se një prej kompanive të proceduara kishte aksione në projektin e inceneratorit të Tiranës, por shtoi se për të tjerat nuk është arritur të provohen ende lidhje me paligjshmëri dhe se prokurori fillimisht duhet të konstatojë paligjshmëritë dhe më pas të nxjerrë përgjegjësitë.

Megjithatë, Dumani tha se i takon prokurorit të çështjes që të marrë vendime lidhur me ecurinë e hetimit, ndërsa shtoi se janë duke u kryer veprime hetimore me intesitetit të madh.

Kontrata koncesionare për ndërtimin e inceneratorit të Tiranës u firmos nga qeveria shqiptare në vitin 2017 me kompaninë Integrated Energy B.V SPV, pas projekteve të ngjashme të ndërtuara më parë në Elbasan dhe Fier. Por gati 6 vjet nga nënshkrimi i kontratës, inceneratori nuk është ndërtuar ende.

Integrated Energy BV SPV zotërohet nga kompania Geogenix B.V e regjistruar në Holandë, ndërsa pronësia e saj është ende e paqartë.

Në një raport të Ministrisë së Financave në lidhje me ecurinë e kontratave koncesionare të publikuar në nëntor të vitit 2022, mungonin raportimet mbi vlerën e investimeve të kryera në koncesionin kontrovers të fushës së mbetjeve urbane të Tiranës, megjithëse evidentohej se Bashkia Tiranë dhe bashkitë e tjera kanë kryer 100% detyrimin kontraktor për pagesat në favor të kompanive.

I pyetur mbi hetimet në lidhje me ish-zv.kryeministrin Arben Ahmetaj, Dumani tha se kishin gjetur prova në kontrollet e kryera në banesat e personave të lidhur me të, por çdo gjë ishte  në verifikim e sipër. Ai sqaroi se janë dërguar letërporosi në disa shtete, disa prej të cilëve kanë kthyer përgjigje, ndërsa letërporositë e tjera janë ende në proces.

Skandali i incineratorëve nisi në vitin 2014 me një vendim të qeverisë për të shpallur një emergjencë mjedisiore, si justifikim për të dhënë koncesionin e incineratorit të Elbasanit. I njëjti grup kompanish mori më pas koncesion për incineratorin e Fierit dhe atë të Tiranës. Dy koncesionet e para janë konfiskuar nga prokurorët, ndërsa hetimet për incineratorin e Tiranës, më i madhi prej të treve, zyrtarisht vijojnë. Dy dyzina me zyrtarë dhe biznesmenë janë arrestuar ose janë shpallur në kërkim për çështjen, përfshirë ish-ministrin e Mjedisit Lefter Koka dhe ish-deputetin socialist Alqi Bllako. Reporter.al

 

Të fundit