Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

Tragjedia në Koçan/ Katër të plagosur në gjendje kritike për jetën

Politiko 24 Mars 2025, 15:06

Tragjedia në Koçan/ Katër të plagosur në gjendje
Tragjedia e rëndë në Koçan të Maqedonisë së Veriut vazhdon të tronditë opinionin publik, ndërsa bilanci i viktimave dhe të lënduarve mbetet tragjik. Pas zjarrit shkatërrues që shpërtheu në klubin e natës “Pulse” më 16 mars, ku humbën jetën 59 persona dhe rreth 200 të tjerë mbetën të plagosur, autoritetet kanë intensifikuar hetimet për zbardhjen e ngjarjes.

Ministri i Shëndetësisë, Arben Taravari, ka deklaruar se katër nga 115 pacientët që po trajtohen jashtë vendit janë në gjendje kritike për jetën. Ndërkohë, 55 pacientë të tjerë që po kurohen në spitalet e vendit raportohen në gjendje të qëndrueshme.

Duke iu përgjigjur pyetjeve të mediave, ministri Taravari ka theksuar se përparësia e tij është përkujdesja ndaj të lënduarve dhe ka përjashtuar çdo mundësi për të dhënë dorëheqjen.

Nga hetimet e kryera deri më tani, janë identifikuar 34 persona si të dyshuar për tragjedinë, prej të cilëve 24 janë vendosur në paraburgim. Mes të arrestuarve janë edhe tre liderët e Komunës së Koçanit: kryetari në largim Ljupço Papazov, ish-kryetarët Ratko Dimitrovski dhe Nikolço Iliev, si dhe ish-ministri i Ekonomisë Kreshnik Bekteshi.

Autoritetet kanë paralajmëruar se inspektimet do të zgjerohen në të gjitha objektet publike në vend për të garantuar sigurinë e qytetarëve.

Ndërkohë, Qeveria e Maqedonisë së Veriut ka nisur shpërndarjen e paketave të ndihmës për familjet e viktimave dhe ka deklaruar se do të mbulojë të gjitha shpenzimet për trajtimin e të lënduarve jashtë vendit. Këtë e ka bërë të ditur zëdhënësja e Qeverisë, Venera Latifi Azizi, e cila theksoi rëndësinë e mbështetjes për të gjithë të prekurit nga kjo tragjedi.

Ngjarja e rëndë ndodhi gjatë një koncerti ku mbi 500 pjesëmarrës ishin të pranishëm në klubin e natës “Pulse”. Zjarri shpërtheu me shpejtësi pas përdorimit të mjeteve piroteknike, duke shkaktuar një kaos të vërtetë që rezultoi me humbje të mëdha në njerëz.

Të fundit