Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

"Turp! Na kanë bllokuar! " Protestuesit përplasen me policinë, Idrizi: Mbrojtën Dendiasin se mos i ‘gjuanim’ me fjalë! Protesta për t'i treguar atë çka Rama s'ka këllqe t'ia thotë

Politiko 20 Tetor 2020, 12:21

"Turp! Na kanë bllokuar! " Protestuesit përplasen me

Tensionohet situata përballë ambienteve të Ministrisë së Jashtme, ndërsa shumë nga simpatizantët e PDIU-së janë përplasur me Policinë, pasi këta të fundit nuk i lejuan të protestonin kundër Ministrit të Jashëm grek, Nikos Dendias.

Në një moment, gjatë hyrjes së Dendias në godinë për takimin me Cakajn, efektivët e policsë kanë rrethuar simpatizantët, duke u shtyrë me njeri-tjetrin, ndërsa këta të fundit tentuan t’i bllokojnë rrugën ministrit grek.

Idrizi ka theksuar se ky ishte një veprim i paarsyeshëm nga ana e policisë dhe autoriteteve.

“Po shoqërojnë? Atëhere hajde ta bëjmë ndryshe. Duhet t’i kujtojmë me forcë eunukëve që kemi këtu, Rama ka bërë një rezolutë për çamët, betohej për Çamërinë më shumë se ne, dhe nga kalorës i çamëve, u bë Kali i Trojës së Greqisë. Do e vijojmë deri në fund protesta”.

“Iku si zotëri me 12 milje e ruajtën, tani na bllokojnë neve këtu, s’ju vjen turp! Ky është absurdi i një policie që na ka rrethuar neve këtu. Bravo u qoftë! Mbrojtën Ministrin e Jashtëm të Greqisë se mos i ‘gjuanim’ ne me fjalë. Nëse jeni trima dhe e keni shqiponjën në ballë ikni e kapni ata të Vorio-Epirit. Kur na bllokon Greqia neve në kufi, ikni dhe ju e bllokoni grekët që hyjnë në Shqipëri, sepse çdo grek që duhet të hyjë në Shqipëri duhet të ketë edhe adresë edhe 30 euro. Turp ju qoftë! Kjo është policia tërësisht politike. Ne do i tregonim atë që Rama s’ka këllqe t'ia tregojë, që Greqia të heqë ligjin e luftës e të pranojë gjenocidin ndaj shqiptarëve, për t’i thënë se nuk ka se si i merr 12 milje”, tha Idrizi.

"Ne shqiptarëve të Çamërisë nuk mund të na thotë njeri më se nuk ekzistojmë. Tragjedia ndaj shqiptarëve të Çamërisë është një nga më të egrat që mund të ketë ndodhur”, ka thënë Idrizi, për të vijuar më tej me frazën: “Mbrojtën Ministrin grek, e përcollën dhe tani duan të bëjnë zhurmuesin edhe për fjalët që flas unë. Bravo iu qoftë! Turp t’ju vij!”

Të fundit