Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Vrasja e “padronit të drogës”/ Flasin familjarët: Nuk kishte konflikte; pamjet e kamerave të sigurisë

Politiko 26 Shkurt 2021, 10:12

Vrasja e “padronit të drogës”/ Flasin familjarët: Nuk

Familjarët e 66 vjeçarit Behar Sofia, i njohur si "padron droge", i cili u ekzekutua mëngjesin e djeshëm  afër Piramidës në Tiranë, janë marrë në pyetje nga policia.

Mësohet se, familjarët e 66-vjeçarit kanë mohuar të kenë patur konflikte apo kërcënime, dhe përpara se Sofia të dilte nga shtëpia dhe të vritej, ai u ka thënë familjarëve se do të pinte një kafe.

“Nuk kemi patur kërcënime dhe konflikte kohët e fundit. Behari doli të pinte kafe, më pas do të blinte diçka dhe do të kthehej në banesë. Kur doli, nuk na tha se do të takonte njeri”, thanë familjarët.

Deri tani, lidhur me vrasjen e tij janë të shoqëruar të paktën 10 persona, të gjithë familjarë dhe të afërm të viktimës, por asnjë person i dyshuar.

Detaje të reja janë siguruar nga analizimi i pamjeve të kamerave të sigurisë ku rezulton se atentatori e ka pritur tek dera e pallatit disa ditë. Mëngjesin e djeshëm ai e gjurmoi nga dera e pallatit deri përballë Piramidës ku dhe e qëlloi me një plumb në qafë e tjetrin në shpatull. Ndërkohë që ka dyshime se arma e krimit mund të jetë pistoletë TT me silenciator. Po ashtu mësohet se policia ka gjetur në vendin e ngjarjes 2 gëzhoja.

Autori rezulton të jetë një meso burrë i veshur me kostum sportiv të errët dhe fytyrën e ka pasur të mbuluar, ndërkohë që ka dyshime se bëhet fjalë për një vrasës me pagesë.

Behar Seferi, alias Behar Sulo Sofia, u vra ditën e djeshme në mes të Tiranës në një zonë shumë të populluar. Ai ndërroi jetë në spital duke mos iu mbijetuar plagëve të  marra.

Sofia rezulton që të jetë i dënuar jashtë vendit për trafikim të lëndëve narkotike. Po ashtu ai kishte pasur disa biznese pranë stadiumit Dinamo, si bar/kafe dhe aktivitete të tjera, të cilat në disa raste janë sulmuar me tritol, ndërkohë që posedonte disa markete dhe kopshte.

Të fundit