Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

"Zbatimi i ngadaltë", Banka Botërore ul vlerësimin për projektin 70 mln USD për klimën dhe bujqësinë

Politiko 21 Maj 2025, 11:14

"Zbatimi i ngadaltë", Banka Botërore ul vlerësimin

Banka Botërore ka ulur vlerësimin për ecurinë e projektit mbi ”Qëndrueshmërinë Klimatike dhe Zhvillimin e Bujqësisë” nga i kënaqshëm në i kënaqshëm në mënyrë të moderuar duke nënvizuar se ecuria e zbatimit është e ngadaltë.

Në raportin e fundit të monitorimit të projektit thuhet se disbursimet janë të ngadalta dhe nëse do të vazhdohet kështu me shumë gjasa objektivat që ka projekti që financohet me një kredi 70 milionë dollarë të mos arrihen.

“Projekti u miratua më 16 mars 2023, Marrëveshja e Kredisë u nënshkrua më 4 gusht 2023, dhe u bë efektiv më 15 prill 2024. Zbatimi ka hasur në vonesa të konsiderueshme, duke bërë që projekti të jetë një vit pas afatit dhe me një nivel të ulët të disbursimit të fondeve, aktualisht në 2.4%.

Nëse zbatimi i projektit vazhdon me të njëjtin ritëm, ekziston një mundësi e lartë që projekti të mos i arrijë plotësisht objektivat e tij zhvillimore. MARD (Ministria e Bujqësisë dhe Zhvillimit Rural) duhet të përmirësojë përkushtimin dhe udhëheqjen e saj, duke siguruar kështu përshpejtimin e zbatimit të projektit, përfshirë marrjen e vendimeve të rëndësishme dhe kritike në kohën e duhur” thuhet në pjesën e statusit të zbatimit dhe vendimet kyçe të raportit të vlerësimit.

Projekti në fjalë ka në total tre komponentë ku  në të parin me një vlerë 44 milionë USD fokusi është tek promovimi i bujqësisë smart (të zgjuar) në raport me klimën dhe aksesi në tregje.

Në komponentin e dytë me një vlerë 22 milionë dollarë është rritja përputhshmërisë sa i takon standardeve të sigurisë dhe cilësisë së ushqimeve. Kjo parashikon disa pika laboratorike në pikat kufitare por edhe modernizimm dhe mirëpajisje e laboratorëve për ISUV, AKVMB dhe AKU.

Në komponentin e tretë me vlerë 4 milionë dollar përfshihet forcimi i kapaciteteve analitike të ministrisë dhe bashkive sa i takon analizave që bazohen në të dhëna.

Programi në fjalë është nënvizuar se  do të mbështesë ndër të tjera modernizimin e ujitje-kullimit, modernizimin i tregjeve, krijimin e zinxhirëve të shkurtër të vlerës që të arrihet nga tregu në tavolinë si dhe modernizimi dhe përmirësimi i monitorimit dhe një sërë elementësh të tjerë./ Monitor

Të fundit