Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Fake, çfarë është e tillë në marrdhëniet e pushtetit vendor me qytetarët

Politiko 2 Maj 2017, 11:22
Fake, çfarë është e tillë në marrdhëniet e

Alfred Lela

Demokracia vendore është një togfjalësh deri diku i ri për fjalorin shqiptar. Lidhet në masë të madhe me nevojën për decentralizim së pari, dhe për një marrëveshje qytetar-pushtetar, që i ka të shkriftuara mekanizmat ndërmjetës.

Fake neWs është një tjetër togfjalësh, i përdorur dendur nga Presidenti amerikan, Donald Trump, dhe i bërë popullor së fundmi edhe në Shqipëri. Nuk na duhet terminologjia politike për të shpjeguar atë që kemi ndër mend për qëllimet e këtij artikulli, përveçse për të kontekstualizuar termin 'fake'. I cili ilustron një gjë të rrejshme: një raport të rrejshëm, një gjendje të rrejshme, e kështu me radhë.

Në një vizitë të para pak kohëve, për qëllime gazetareske, në një prej bashkive të vogla të Jugut të Shqipërisë, pyeta se prej sa personash përbëhej zyra e Marrdhënieve me Publikun. Pasi u rrotulluan disa koka në sallë, shikimet u ndalën te një zonjë e cila kryente disa funksione më 'i vogli' prej të cilëve ishin 'marrdhëniet me publikun'.

Ky moment shpjegon shumë, jo aq për strukturën e nevojshme të një zyre apo funksioni të tillë në institucionet e pushtetit vendor, por edhe për mendësinë e komunikimit me publikun, apo më saktë hyrje-daljet publik-pushtet në rrafsh vendor.

E kam një ide të qartë se pse këto funksione, apo zyra, janë të munguara. Lidhet drejtpërdrejt me një 'veti sociologjike' të shqiptarit sipas së cilës 'kryetari', 'shefi' apo 'i pari' i bën dhe i di të gjitha. Pra, kur populli ka një hall, populli shkon te kryetari. Kur populli kërkon një zgjidhje, atë e jep kryetari.

Kjo ka të bëjë me një dorëzim të individit para një sistemi centralizues që ka në majë të piramidës një individ tjetër i cili luan 'pothuajse Zotin". Në këtë rast, është e kuptueshme se ulen kapacitet e marrëveshjes apo të 'veshmarrjes', dhe institucioni 'bie në humnerë' duke u kthyer në një raport tek-e-tek.

Institucioni, mbetet jashtë.

Futja e 'institucionit në institucion', duket se është përpjekja tashmë 2-vjeçare e 'Lëviz Albania', e cila është shtrirë në dy rrafshe, qendër-periferi dhe periferi-periferi, për të përçuar një mënyrë të re të konceptimit të raporteve pushtet vendor-qytetar. Për të larguar rrejshmërinë e raporteve tek-për-tek dhe për të hapur bashkitë, apo njësitë administrative, ndaj zërit qytetar, qoftë kur ky vjen nga një individ i vetëm, nga një grup, apo nga bashkësia e tërë.

Aksioni qytetar mbërrin në bashki edhe përmes komunikimit. Pra, përmes hapjes.

Hapja nuk mund të jetë vetëm një koncept seminaresk, një gjuhë e përvetësuar për pak ditë, aq sa zgjasin trajnimet apo projektet. Hapja duhet brendësuar, dhe mënyra më e mirë është që komunikimi të jetë i përditshëm dhe i përhershëm.

 

©Politiko.al

Të fundit