Flash News

KRYESORE

FOTO/ "Superiorja" zbret sërish në fushë në mënyrë simbolike, protestës i bashkohen edhe akademitë

FOTO/ "Superiorja" zbret sërish në fushë në

Edhe këtë fundjavë, njësoj si ajo e kaluara, ekipet e Kategorisë Superiore kanë zbritur në fushën e gjelbër, por jo për të luajtur futboll.

Ato kanë zbritur në fushë në mënyrë simbolike dhe duken të vendosur për të vazhduar bojkotin e kampionatit. Këtë javë protestës i janë bashkuar dhe ekipet e akademive.

Të gjithë kapitenët e skuadrave kanë lexuar një letër, duke shprehur vullnetin e Ligës Profesioniste për të vazhduar bojkotin deri në plotësimin e kërkesave nga qeveria.

"Ne, futbollistet e skuadrave të Kategorisë Superiore vazhdojmë protestën tonë në mbështetje të katër kërkesave të Ligës Profesioniste të Futbollit, drejtuar qeverisë shqiptare.

Së bashku me ne në këtë protestë sot janë bashkuar edhe futbollistet e rinj të akademive, që janë e ardhmja e futbollit. Të gjithë së bashku duam që zëri ynë të dëgjohet për të siguruar një të ardhme sa më të mirë për lojën tonë të dashur, futbollin.

Ne jemi të bindur që kërkesat drejtuar qeverisë janë rruga e shpëtimit për futbollin dhe sportin në përgjithësi. Vetëm kështu mund të shpresojmë në një të ardhme më të mirë.

Ne do të vazhdojmë të ngremë zërin, sepse besojmë se sporti është lënë në harresë ndër vite. Dhe si një e mirë publike, të gjithë politikanët duhet t’i kthejnë sytë nga sporti. Presim sa më shpejt një reagim pozitiv nga ana e qeverisë për të ardhmen e sportit në Shqipëri." thuhet në letrën e lexuar nga kapitenët.

Kampionati ishte parashikuar që të fillonte më 12 shtator, por deri më sot, ekipet kanë zbritur në fushë vetëm për protestë.

[gallery td_select_gallery_slide="slide" ids="417250,417251,417252,417253"]

Të fundit