Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Futbollistët që ‘varën këpucët në gozhdë’ dhe talentet e afirmuar në 2018

Politiko 31 Dhjetor 2018, 20:40

“Ndonjëherë ju e kuptoni se futbolli është një barrë e rëndë; si fizikisht, ashtu edhe mendërisht”, këto ishin fjalët e mbrojtësit të Arsenalit, Mertesacker, i cili u tërhoq nga futbolli. Së bashku me të, pati edhe lojtarë të tjerë të cilët ‘varën këpucët në gozhdë’. Njëherësh, 2018-ta ishte edhe viti i afirmimit të disa talenteve të rinjë, që pritet të jenë yjet e futbollit.

  • Michael Carrick – Manchester United

Mesfushori anglez i dha fund karrierës në moshën 37-vjeçare, duke e mbyllur të Manchestër United, ku luajti për 12 vite me radhë. "Një lojtar i madh po largohet, por një njeri i madh po qëndron", tha ish-trajneri Jose Mourinho.

Julio Cesar – Flamengo

Pas një karriere të gjatë dhe të suksesshme në Europë me Interin, Benfiken dhe QPR, portieri Brazilian ‘vari këpucët’ në gozhdë në moshën 39-vjeçare. Do të kujtohet si një ndër gardianët më të mirë Brazilian, teksa me përfaqësuesen latine zhvilloi 87 ndeshje.

  • Thiago Motta – PSG

Ish-mesfushori i Barcelonës, Atletikos së Madridit, Interit i dha fund futbollit të luajtur në moshën 36-vjeçare, pas 6 viteve te PSG-ja në Francë. Një karrierë e suksesshme me tëtë tituj të fituar, dy Liga Kampioneve dhe vendi i dytë në Kampionatin Europian 2012.

  • Per Mertesacker – Arsenal

“Ndonjëherë ju e kuptoni se futbolli është një barrë e rëndë; si fizikisht, ashtu edhe mendërisht dhe vjen një moment që ju duhet të dorëzoheni”, u shpreh 34-vjeçari para se të tërhiqej nga futbolli. Me një karrierë të zhvilluar kryesisht në Gjermani dhe Angli, Mertesacker është emëruar drejtor i Akademisë së Arsenalit.

  • Tom Starke – Bayern Munchen

Portieri Starke, në fakt u tërhoq një sezon më parë por u detyrua të rikthehej, pasi gardiani i parë i Bajernit të Mynihut, Manuel Neur u dëmtua. Gjermani ka vendosur një rekord mbreselënës, pasi ka fituar 14 trofe në gjashtë vitë në Munih, gjatë së cilës është aktivizuar vetëm 12 herë, mesatarisht mbi një trofe për ndeshje.

Talente premtues:

  • Justin Kluivert – Roma

I pandikuar nga fakti se është i biri i një legjende futbolli si Patrik Klaiver, Justin konsiderohet si një prej sulmuesve më premtues të momentin në futbollin europian. 19-vjeçari i rritur te Ajaksi dhe i transferuar për 17 milionë euro në Itali te Roma nëse vazhdon kështu do të tejkalojë sukseset e babait të tij.

  • Vinícius Junior - Real Madrid

Kur Reali investoi 61 milionë euro për ta blerë nga Flamengu, të gjithë menduan se ishte një çmenduri një shifër e tillë për një 18-vjeçar. Megjithatë, Vinicius ka të gjitha shanset për t’u bërë një yll i nivelit botëror, me klasin dhe nuhatjen për të shënuar gola. Deri tani ka luajtur vetëm 57 minuta me ekipin e parë, por koha është në favorin e tij.

  • Jadon Sancho - Borusia Dortmund

I rritur në Akademinë e Manchestër City, por i transferuar te Borusia e Dormundit për 8 milion euro, 18-vjeçari i ka mahnitur të gjithë me paraqitjet e tij. 6 gola në 17 ndeshje, jo vetëm i siguruan një kontratë të re me pagë më të lartë 18-vjeçarit, por njëkohësisht mori ftesë edhe nga Kombëtarja A e Anglisë.

  • Alban Lafont - Fiorentina

Në një kohë që karriera e Gianluigi Donnarumma është në ulje, një tjetër portier po bën paraqitje të shkëlqyera. Pasi u debutuesi më i ri në Ligën 1 të Francës, 19-vjeçari u transferua në Itali për 8.5 milionë euro tek Fiorentina, ku është kthyer në një titullar të padiskutueshëm. Talent premtues.

  • Tim Weah – PSG

18-vjeçari nuk është një emër i krejtësisht i panjohur për nostalgjikët e futbollit, pasi është i biri i ish-sulmuesit të Milanit, Xhorxh Ueah. Do të jetë e vështirë që sulmuesi të zbresë nga froni Nejmarin, Kavanin, megjithatë deri tani premisat janë pozitive.

Të fundit