Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Këta janë 4 kandidatët për kryeministër të Kosovës

Politiko 16 Maj 2017, 15:03
Këta janë 4 kandidatët për kryeministër të

Për herë të parë që pas pavarësisë Kosova nuk do të ketë pjesë të garës për kryeministër ish-liderin e UÇK-së, Hashim Thaçi, i cili ka tashmë funksionin e Presidentit të Republikës. As Isa Mustafa, figurë e rëndësishme e LDK-së, nuk është pjesë e garës për zgjedhjet e 11 qershorit.

Janë katër figura të tjera, jo të reja, që po synojnë postin e kryeministrit të Kosovës.

Te PDK, Kadri Vesili ka të gjithë mbështetjen që i nevojitet, duke filluar nga ish-kryetari Hashim Thaçi. Kjo forcë politike prej vitesh dominon jetën politike në Kosovë dhe mundësia që Vesili të ngjitet në krye të qeverisë ka shkaktuar reagime e para, kryesisht në Beograd.

LDK zgjodhi të propozojë për kandidat Avdullah Hotin, ish-ministri i Financave në qeverinë e Isa Mustafës. Një figurë që nuk ngjall reagime kundra as brenda Kosovës dhe as jashtë saj.

Me fitoren e radhës të arritur në Francë kundër Serbisë, Ramush Haradinaj nuk kishte si t’i mungonte listës. Ai është kandidati i padiskutueshëm i AAK-së për postin e kryeministrit.

Rezultati që do të arrijë Lëvizja Vetëvendosje në këto zgjedhje të parakohshme po pritet me interes. Si opozita e vetme dhe më e madhe në këto tre vite qeverisje të PDK-së me LDK-në, VV ka forcuar pozitat e saj në skenën politike. Si kandidat për kryeministër nuk është propozuar kryetari i saj, Visar Ymeri, por ish-drejtuesi Albin Kurti, i cili mesa duket vazhdon të jetë truri i lëvizjes së kthyer në parti.

Të fundit