Flash News

Mos humbni fytyrën/ Pas 'kërcënimit të Ramës, kandidatët e PS tërheqin kërkesën nga KQZ

VIDEO/ Atentati në Durrës, momenti i vrasjes së 29-vjeçarit Ermir Dedja

Atentati ndaj Ermir Dedjas në Durrës, gjendet arma dhe një makinë e djegur në fshatin Gërdec

Dosja “Toyota Yaris”, GJKKO dënon me 2.8 vite burg ish kryeprokurorin e Vlorës

Makinën plot me d*ogë, vihen në pranga dy persona në aksin “Mamurras-Kashar”

Kosova

Kurti në Prekaz: 28 Nëntori themeli i historisë dhe identitetit kombëtar shqiptar

Politiko 28 Nëntor 2024, 17:50

Kurti në Prekaz: 28 Nëntori themeli i historisë dhe identitetit

Kryeministri i Kosovës, Albin Kurti, ka kryer homazhe në Kompleksin Memorial "Adem Jashari" në Prekaz me rastin e 28 Nëntorit, duke e cilësuar këtë datë si një nga më të rëndësishmet për historinë dhe identitetin kombëtar të shqiptarëve.

“28 Nëntori ka nisur me Skënderbeun në Krujë, ka vazhduar me Ismail Qemalin në Vlorë, por së fundmi edhe me Adem Jasharin dhe Jasharët këtu në Prekaz, kryeqytetin e kryengritjes shqiptare,” tha Kurti, duke e quajtur këtë datë themelore për historinë dhe vetëdijen kombëtare të shqiptarëve.

Kryeministri solli në kujtesë edhe shpalljen e parë publike të Ushtrisë Çlirimtare të Kosovës më 28 nëntor 1997 në Llaushë, një moment që, sipas tij, përcaktoi rrugën drejt çlirimit të Kosovës në qershor 1999.

“Dua t’u uroj të gjithë shqiptarëve kudo që janë festën e flamurit dhe të pavarësisë, duke përmendur rëndësinë e lidhjes historike dhe simbolike mes Prekazit, Vlorës dhe Krujës,” theksoi Kurti, i cili bëri homazhe edhe në Vlorë për të përkujtuar 112-vjetorin e shpalljes së Pavarësisë së Shqipërisë.

Në ceremoninë e organizuar në Prekaz ishte e pranishme edhe presidentja e Kosovës, Vjosa Osmani, e cila vuri në dukje rëndësinë e mbrojtjes së lirisë dhe pavarësisë së Kosovës në mënyrë të pakompromis. “Kjo datë është një simbiozë e momenteve historike që lartësojnë kombin shqiptar,” tha ajo, duke përmendur lindjen e Adem Jasharit dhe kontributin e familjes Jashari në luftën për liri.

Të fundit