Flash News

Plagoset me armë zjarri një person në Malësinë e Madhe

Atentati në Dukagjin, Gjin Guri në gjendje të rëndë, niset drejt Traumës

Sot i vranë babain dhe e plagosën rëndë, 2 vite më parë i bënë atentat, kush është Gjin Guri

Shqipëria me çmimet e karburanteve më të shtrenjta në rajon

Arrestohet te Komuna e Parisit ish-trajneri i futbollit, ishte dënuar me 1 vit burg

Kosova

Tensionet në Veri, zbardhet kërkesa e Shtëpisë së Bardhë për Kurtin e Vuçiç

Politiko 3 Qershor 2023, 11:11

Tensionet në Veri, zbardhet kërkesa e Shtëpisë së

Shtëpia e Bardhë njoftoi se zëvendës këshilltari amerikan për siguri kombëtare, Jon Finer u ka bërë thirrje Kosovës dhe Serbisë që shtensionojnë situatën në veri.  

Zyra e shtypit e Shtëpisë së Bardhë bën të ditur se në telefonatën e këshilltarit Finer të enjten me kryeministrin Albin Kurti dhe të premten me presidentin e Serbisë, Aleksandar Vuçiç është shprehur shqetësimi i SHBA-së për situatën në veri.

Në një njoftim zyrtar deklarohet se zëvendës këshilltari kryesor për Siguri Kombëtare, Jon Finer u bëri thirrje të gjitha palëve që të ndërmarrin hapa që synojnë de-përshkallëzimin e situatës.

Ai ka kërkuar nga Qeveria e Kosovës që t’u mundësojë kryetarëve të sapozgjedhur të komunave që t’i kryejnë detyrat e tyre nga lokacionet alternative dhe të tërheqë forcat policore nga ndërtesat komunale.

Finer gjithashtu përshëndeti gatishmërinë e kryeministrit Kurti për të punuar për krijimin e kushteve për zgjedhje të reja.

Zyra e shtypit e Shtëpisë së Bardhë po ashtu ka njoftuar rreth telefonatës së Finerit me presidentin serb, Aleksandar Vuçiç.

Edhe në bisedën me këtë të fundit, Finer përsëriti qëndrimin se Shtetet e Bashkuara presin që të dyja palët të riangazhohen në dialogun e lehtësuar nga BE dhe shqetësimin për situatën në veri, duke i kërkuar të gjitha palëve që të ndërmarrin hapa që synojnë de-përshkallëzimin e situatës.

Ai i kërkoi Qeverisë së Serbisë që të tërheqë forcat e saj të armatosura të stacionuara afër kufirit dhe të ulë gjendjen e gatishmërisë, si dhe t’u bëjë thirrje protestuesve që të qëndrojnë paqësorë në veri të Kosovës.

 

Të fundit