Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

‘Ofrimi’ i dorëheqjes; a do rikthehet Ilir Meta për të bashkuar 'tri LSI-të'?

Politiko 20 Mars 2019, 15:58
‘Ofrimi’ i dorëheqjes; a do rikthehet Ilir Meta për

Ilir Meta bëri sot një deklaratë të fortë kur ofroi dorëheqjen nga posti i presidentit, madje edhe vetë-sakrifikimin fizik, për të ndihmuar në zgjidhjen e krizës politike që ka mbërthyer vendin. Por duke qenë se shanset konsiderohen afër zeros për skenarin e Salvador Allende, mundësia që Ilir Meta të dorëhiqet nga posti i kreut të shtetit është e madhe.

Ashtu siç shkruhej edhe në editorialin e datës 12 mars në Politiko.al, “Tri LSI-të, arsyeja pse Meta duhet ‘të djegë mandatin”, është pikërisht ‘krijesa’ e tij që e thërret Ilir Metën për të zbritur nga zyra më e lartë shtetit, dhe për t’i dhënë zgjidhje në terren krizës politike.

“Partia e Kryemadhit ka tashmë një grup parlamentar jashtë, një grup parlamentar brenda, por edhe ‘njeriun e saj’ në krye të shtetit, zotin President. Jemi në kushtet kur LSI është e ndarë më tresh, një rrezik që është shfaqur i fortë pas ikjes së ish-shefit të saj në pallatin presidencial”, shkruante ndër të tjera Alfred Lela një javë më parë.

Editoriali vazhdonte me paralajmërimin se, “sa më të shumta bëhen LSI-të, aq më të pakta janë shanset e një rikuperimi, si për forcën e tretë ashtu dhe për ish-shefin e saj”, ndërkohë që zgjidhja paraqitej në këtë formë: “Ilir Meta duhet të vendosë për ‘strehën’ e pushtetit ose ‘Çadrën e protestës’. Edhe ai e ka një mandat për të djegur. Presidenti është mbi palët, por ai nuk ka pse të jetë neutral me palën që rrezikon ‘t’i zhdukë palët e tjera’, pra pluripartizmin. Tri LSI-të duhet të shkrihen në një dhe vetëm themeluesi i së parës mund ta bëjë.”

Në kushtet e krizës politike, Ilir Meta nuk mund të luajë një rol në postin e presidentit të Republikës, dhe kjo pikërisht se LSI, për të ndihmuar në gjetjen e zgjidhjes për ‘paqen’, nuk mund të funksionojë në tre plane: brenda sistemit, jashtë sistemit dhe në krye të sistemit.

Eksperienca dhe roli i Ilir Metës merr kuptim vetëm me bashkimin e tri LSI-vë dhe duket se hapi i parë është hedhur sot.

Të fundit