Larot e penes dhe ‘intelektualët’

Hysni Gurra

Kam disa gjera per te thene ipër gazetarët, në fakt jo tamam për gazetarët por për “larot e penës” intelektualët dhe të vërtetën.

Disa ditë më parë Transparency International e rendiste sërish Shqipërinë në vendin më të korruptuar në Europë.

10 vjet qeveria Rama- 10 vjet vendi më i korruptuar në kontinent.

Madje arritëm të korruptojmë edhe shefin e FBI-së, famëkeqin Mcgonigal.

Por propaganda e qeverisë dhe gazetarët militantë - na njoftuan se Shqipëria është rritur me një pikë.!

Propaganda ka arritur nivele të frikshme! Jo vetëm që e shesin sapunin për djathë, por duan edhe që ta hash dhe të thuash: “sa i mirë ishte djathi”

Ka qenë një kohë, në kohën e Berishës kryeministër kur Transparency International e vlerësonte Shqipërinë si “kampione ne antikorrupsion”, por “larot e penës” e kanë harruar nuk e kujtojnë.

E kanë harruar edhe diplomatët që kanë lexuar letrat për Shqipërinë. Nuk ka ndodhur në një epokë të shkuar. Ka qenë viti 2008!

Fakt është se nën këtë qeveri korrupsioni është bërë endemik, por gazetarët dhe intelektualët nuk e shohin. Nuk ka më të verbër se ai që nuk dëshiron të shohë dhe më shurdh se ai që nuk do të dëgjojë.

Numri 2 i qeverisë foli me zë dhe figurë një javë me parë, për Numrin 1, për Edi Ramën.
Cila është përgjigja nga qeveria? OMERTA - heshtje - kodi mafies!
Cili është qëndrimi i “larove të penes” - sulm ndaj Arben Ahmetajt!
Çfarë duhet të ndodhë tjetër që dikush të japë dorëheqje dhe të mbaje përgjegjësi?!!

Çfarë ka bërë kjo qeveri këto 11 vite? Cilën rrugë ka përfunduar?

Në kohën e Berishës, për 2 vjet u hap rruga e Kukësit, rruga që bashkoi Kombin. Larot e penës e kanë harruar.

Ka 11 vjet që nuk mbaron asnjë rrugë, por kemi parë qindra inspektime dhe mijëra foto në facebook e instagram…..

Me rrugën e Kombit, Berisha ndryshoi gjeografinë dhe historinë e kombit.

Me Ramën qindra milionë eurot e destinuara për veprat publike janë kthyer në kala Rozafe. Inspektohen ditën dhe vidhen natën!

Në Tiranë për shembull të mbyt ndotja dhe pluhuri, ne këtu tani jemi duke thithur ajër 18 herë mbi normat e lejuara nga OBSH, edhe në një rrugicë më tutje, më poshtë apo gjetkë ku ka njerëz që s’protestojnë, por bredhin pas berihait, apo bëjnë ndonjë pazar tenderash në ndonjë klub, ajri është po kaq i ndotur, por në televizione ju shihni vetëm mbjellje pemësh, shihni një Tiranë të prodhuar nga kinostudio e Rilindjes.

Çmimet janë rritur dhe jeta është bërë e pa përballueshme, por për “larot e penës” çdo gjë është mrekulli.

700 mijë pensionistë jetojnë në nivelin e varfërisë ekstreme. Nuk u del pensioni për ilaçe, por kur qeveria për arsye të zgjedhjeve ju jep 50 mijë lekë të vjetra.. Larot e penës nuk thonë se po blejnë zgjedhjet- por se është rritur buxheti!!!

Kanë ikur më shumë se 1 milionë shqiptarë, këto 10 vite, por për larot e penës lajmi është se na kanë ardhur 10 milionë turistë.

Shqiptarët sipas BERZH, nga popullli më i lumtur më 2006, janë sot popullli më i palumutur në rajon e Europë.

Nuk sheh një njeri të qeshur në lagje, rrugë apo supermarkete.

Po shihni pak edicionet e lajmeve në televizionet e qeverisë. Gjithçka në këtë vend shkon vaj.

Në Shqipëri më shpesh bien skandale se shi, por për “larot e penës”, skandale ka edhe në Honolulu, madje jashtë ato bëhen edhe “filma”.

Tani dua të them dy fjalë për Amerikën.

Amerika është vendi i madh i demokracisë, vendi aleat dhe i jemi mirënjohës.

Por e dime nga historia dhe aktualiteti se edhe gabimet dhe gafat i bëjnë të mëdha.

Por lajmi i mirë është se vetëkorrigjohen.

McGonigal duhet të na kishte hapur sytë të gjithëve- edhe “larove të penës” se çfarë fuqie korruptive ka Edi Rama, i mbështur nga Soros dhe compay.

Non grata është lobim i pastër- faktet janë ulëritëse, që nga “paralajmërimet e Ramës në Kuvend për non gratën e Berishës e deri te gjyqet ndaj McGonnigal në Nju Jork dhe Uashington.

Vetë pronarë mediash në Shqipëri me dëshmitë e tyre- e kanë bërë të qartë se me “non gratat” është bërë jo vetëm politikë e ndyrë, por edhe biznes i pisët, por sërish për “larot e penës dhe intelektualët- nuk ka ndodhur asgjë…

Kur i pyet “intelektualët” për këtë skandal të madh - ngrenë supet dhe të shohin sikur vjen nga një planet tjetër. Ndërsa në ekrane larot e qeverisë thonë: “Gjykata amerikane nuk e ka dënuar Edi Ramën”

SPAK thotë kemi regjistruar çështje!!!! Pra nuk kanë guxim të thonë që të paktën po hetojmë……!

Gjithçka tashmë është publike, gjithçka është hetuar dhe gjykuar nga drejtësia amerikane- por për spakistët duhen hetime…. Ndërsa për larot e penës nuk ka ndodhur asgjë. Për këtë çështje nuk flasin. Për ta, “ problemi është opozita”....jo hajdutëria e mafies në pushtet.

Të kthehemi pak te Drejtësia e re.
E morët vesh që nuk ka më nevojë për mesatare për gjyqtarët dhe prokurorët e ardhshëm. Kjo është drejtësia që do të vuajmë pas 5 apo 10 vitesh.

Kësaj i thonë presim lisin për të bërë pyka!

Po këto pyka do t’i hamë të gjithë në kurriz. Do t’i hanë edhe ata që sot heshtin edhe ata që sot i bëjnë temena qeverisë.

Kush ka lexuar 200 faqet që SPAK ka dërguar në gjykatë për të ashtuquajturën “klubi Partizanit” e ka të qartë se SKANDAL është kjo që po bëjnë sot me zotin Berisha.

Çfarë ka ndodhur me dy fjalë. Pas një zvarritje 15 vjeçare, pronarët marrin një pjesë të pronës së vet, duke paguar për të privatizuar godina gërmadha dhe duke i dhënë shtëpi, si fisnikë, 42 familjeve që u kishin uzurpuar pronën e tyre…. A ka një rast të dytë ku ka ndodhur kjo?

Sa është dëmi financiar në këtë të ashtuquajturën aferë? ZERO!

Cilat janë provat? Nuk ka.

Cilat janë shkresat - Nuk ka.
Çfarë ka ndodhur? Një pronë e grabitur nga komunizmi, e uzurpuar nga trafikantë dhe e zënë nga banorë informalë - i është kthyer të zotëve?!

Në vend që të hetojnë pronat e pronarëve që me një VKM i kalojnë megafonëve të qeverisë, SPAK heton pronarët trashëgimtarë!!!

A e dini çfarë thotë akt akuza e prokurorëve të SPAK për profesor doktor Abi Malltezin?

Është për të qeshur dhe për të qarë në të njëtën kohë. Po ju lexoj një rresht nga akt akuza: “Në ndërthurje të analizës konkludohet se roli i shtetasit Jamarbër Malltezi është se ka qëndruar i fshehur në marrëdhëniet me institucionet shtetërore”

A ka më skandal se kjo?

Pra nuk kemi asnjë fakt,
asnje provë
asnjë shkresë,
asgjë prej gjëje.

Njëlloj apo më keq se në komunizëm: “armikut nuk i kemi asnjë provë, por e dimë që është armik”

Larove të penës dhe intelektualëve nuk u bën përshtypje ky SKANDAL

Qeveria Berisha bën ligj dhe VKM që përfitojnë mijëra pronarë.

SPAK me një guxim të Shvejkut merr përsipër të hetojë ligjet e miratuara nga Parlamenti, vendimet e miratura nga qeveria.

Por SPAK nuk sheh çfarë po bëhet aktualisht??

Berisha nuk ka bërë ligj për një njeri siç ka bërë Rama për Fushën, për Alabarin, për Butrintin, për Skavicën..

Apo ligj për një grusht miqsh-oligarkë siç është ligji për investimet strategjike.

SPAK dridhet, por nuk guxon të hetojë këtë gjë.

Larot e penës dhe intelektualët nuk flasin për këtë grabitje monstruoze dhe për këtë gjakderdhje të pa shembullt financiare- Jo. Për këta gjëma është normalitet! Për këta e bardha është e zezë dhe e zeza është e bardhë!

Tani për fund të flasim pak për një gjë që e shohin dhe e pranojnë edhe larot e qeverisë.

Kushdo në këtë vend e di se ku janë demokratët dhe kush është lideri i tyre.

Edhe në televizionet e qeverisë - larot e kryelarot thonë: Berisha e ka shumicën, por ….”PD zyrtare” ….. A ka më turp?

Nuk dua të ndyej gojën dhe të flas për “Alibashën”.

Po të kishin sy dhe sedër do të shihnin realitetin. Por këta mosmirënjohës janë divorcuar edhe nga realiteti edhe nga turpi.

Koha është gjykatësi më i pa mëshirëshëm, do jetë edhe për ta.

Koha ka treguar se e vërteta zhytet, por nuk mbytet.

Sa më shumë ta zhysin të vërtetën e Berishës aq më lart ajo do të ngrihet dhe vetë larot e penës dhe intelektualët e kafeneve dhe ekraneve do ta pranojnë këtë të vërtetë, por do të jetë vonë për ta.

Sado e gjatë të jetë nata, drita nuk do të vonojë.

E vërteta do të triumfojë dhe e mira do e mposhtë të keqen!

Ne fund kam nje thirrje:

Mos kini frikë!
Kjo thirrje nuk ka kuptim për ju këtu, por për ata që na ndjekin nga shtëpia dhe kafenetë!

Me thirrjen mos kini frikë u shemb perandoria sovjetike! Perandoria e së keqes!

Duhet të luftojmë për veten, për fëmijët tanë, për familjet tona!

Dhe mos harroni, asnjë luftë nuk ka mbaruar për mungesë fishekësh…

E vërteta do të triumfoje mbi të keqen dhe propagandën!