Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

OPINEWS

Lëvizja brenda lëvizjes

Politiko 23 Prill 2024, 10:45

Lëvizja brenda lëvizjes

Nga Genc Pollo

Pesë vjet më parë një grup grash dinjitoze e kurajoze nismuan lëvizjen GUD (Gratë e Unazës për Dinjitet) brenda lëvizjes së banorëve të Astirit kundër “rrugës së florinjtë” me çmime të dhjetëfishuara, me kompani “fallco-amerikane” si dhe shembjeve arbitrare të banesave.

Ndërsa ato protestonin para Drejtorisë së Policisë Tiranë për lirimin e aktivistëve të arrestuar ambasadori BB, shef i Prezencës së OSBE-së, i cili rastësisht po kalonte aty u tregoi gishtin e mesit. I paprovokuar!

Në atë moment u ngjiz lëvizja GUD-i. Një ndër aksionet e saj ishte shfaqja me pankarta e thirrje “shame on you” (turp të kesh) në tetor 2019 gjatë një konference të OSBE (shih videon e fotot) me pjesëmarrjen e Sekretarit të Përgjithshëm të kësaj organizate z. Gremminger në Hotel Sheraton Tiranë. Gremminger i kishte propozuar Këshillit të Përhershëm të OSBE-së shkarkimin e BB por ky i fundit kishte miq në ministrinë e vet dhe kërkesa nuk gjeti miratim të menjëhershëm. Gjithësesi BB pas pak muajsh u largua nga posti në Tiranë e u nxor në pension të parakohshëm.

Ky episod tashmë i harruar mu kujtua tek pashë këto ditë Erion Veliajn në një eveniment të organizuar nga bashkia. BB i OSBE duket si një engjëll po t’a krahasosh me kryetarin e bashkisë. BB vetëm një herë ofendoi dhe u detyrua të kërkojë ndjesë publike.

Veliaj është autor i një liste të gjatë fyerjesh ndaj atyre që e kanë kundërshtuar dhe ndjesëkërkesa për të është shfaqje e huaj. Por kjo është pako gjë krahasuar me skandalin e bashkisë.

Veliaj është nën hetim me urdhër gjykate për vepra penale të cilat janë direkt nën përgjegjësinë e tij; jo vetëm kemi të provuar gjyqësisht një shkallëzim ekstrem të korrupsionit ku ofiqari nuk kënaqet me ryshfet por vjedh për vete 100% të fondit buxhetor duke kontraktuar kompaninë private të tij.

Drejtorët e Veliajt kanë zbuar me metoda mizore dhjetëra familje nga banesat me sebepin se janë të dëmtuara nga tërmeti e duhet të shemben edhe kur teknikisht nuk ishte rasti. Motivi real ishte se tenderin e rindërtimit e kishte marrë kompania private e tyre 5D. Policia bashkiake ka ushtruar rregullisht dhunë të tepruar fizike kundër fshatarëve që shesin fruta-perime vetëm e vetëm që kompania private e drejtorëve të merrte monopolin e këtij tregu në Tiranë.

Skandaloz por edhe domethënës është refuzimi antiligjor i Veliajt për të dhënë llogari në Këshillin Bashkiak edhe pse aty ai ka shumicën dhe këshilltarët socialistë sillen si bagëti pa ndërgjegje.

Prandaj ai e meriton si askush tjetër që në çdo eveniment publik të përballet me protestues që thërrasin “shame on you” dhe i tregojnë afishe ku ironikisht mbi fytyrën e tij bie shuplaka e Majftit të dikurshëm. Le t’ja bëjnë këtë edhe nëse Veliaj shfaqet me ndonjë ndërkombëtar. Kjo do të ishte mënyrë dinjitoze për t’u treguar vendin cinikëve me çfarëdo pasaporte. Mënyrë shumë më e mirë sesa kritika qaramane ndaj ambasadave që me të drejtë apelojnë kundër dhunës ekstreme.

Të fundit