Flash News

Flakët përfshijnë masivin pyjor të Darëzezës në Fier

Aksident i rëndë në Vlorë, përplaset automjeti me dy të rinj, vdes njëri prej tyre

Policia Kufitare e Durrësit gjen dy turistë me skaf, njëri humb jetën, tjetri në gjendje të rëndë

Makina përplas motorin, vdes 67-vjeçari në Bilisht

Detaje nga vrasja në Tale, dyshohet se Pjetër Kaza u qëllua në gjoks dhe kokë

OPINEWS

Op-Ed | Korça po zbrazet. Kush e ka fajin?

Politiko 22 Prill 2025, 20:56
Op-Ed

nga Politiko

Korça dikur ishte krenaria e juglindjes. Qendra e dijes, e punës, e dinjitetit qytetar. Sot, qyteti dhe rrethinat po përballen me një krizë që nuk ka ardhur nga natyra, por nga politika. Jo nga moti, por nga mosdashja. Jo nga rastësia, por nga qeverisja.

Nëse ka një simbol të premtimeve boshe, është bujqësia korçare. Mollët, qershitë, patatet, dhe qepët – dikur krenaria e fermerit vendas – sot po hidhen në kanal. Jo sepse nuk ka prodhim, por sepse nuk ka treg. Nuk ka mbrojtje. Nuk ka vëmendje.

Qeveria Rama ka mbushur ekranet me fjalë, por nuk ka bërë asgjë kur ngricat e dëmtuan gjithë frutikulturën. Këshilltarët e opozitës kërkuan shpalljen e gjendjes së fatkeqësisë natyrore. Heshtje. Kur fermeri bërtet për ndihmë, Rama vesh kufjet e oligarkëve.

Shkollat mbyllen. Po jo sepse nuk ka ndërtim. Por sepse nuk ka më fëmijë. Shkolla në Shën Gjergj, e rikonstruktuar me 200 mijë euro, nuk ka më asnjë nxënës. Të rinjtë ikin. Prindërit nuk kanë më besim. Vendi i fjalës dhe dijes po shndërrohet në vend bosh.

Universiteti? Simbol i rënies. Numri i studentëve bie çdo vit. Por ndërkohë, ndërtohen godina të reja. Godina pa studentë. Para pa vizion. Tendera për beton, jo për mendje.

Rruga Qafë Plloçë–Qukës – një projekt i nisur nga PD – vazhdon të mbetet pa përfunduar. Ndryshuan projektin për të përfituar korruptivisht.

Fasonët përballen me mungesë punonjësish. Turizmi bie për shkak të zhvlerësimit të euros. Spitalet? Korçarët e kanë më të lehtë të shkojnë në Greqi sesa të marrin shërbim në Tiranë.

Korça nuk ka nevojë për lëmoshë, por për drejtësi. Për subvencione si në Maqedoni, Kosovë apo Serbi – jo për premtime në Facebook. Për arsim që prodhon jetë, jo thjesht godina. Për politikë që e shikon juglindjen si pjesë e Shqipërisë, jo si kufi të saj.

Po, Korça po zbrazet. Po zbrazet nga të rinjtë, nga shpresa, nga dija.  

 

Të fundit