Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Pranohet kërkesa e Tahirit për gjykim të shkurtuar, Prokuroria e 'çon' për vjeshtë, ish-ministri: Po kalohet çdo limit!

Politiko 22 Korrik 2019, 12:24
Pranohet kërkesa e Tahirit për gjykim të shkurtuar, Prokuroria e

Gjykata e Krimeve të Rënda ka vendosur të pranojë kërkesën e ish ministrit të Brendshëm, Saimir Tahiri për gjykim të shkurtuar. Bashkë me Jaeld Çelën, ish policin nga Vlora, akuzohen për trafik ndërkombëtar droge duke shpërdoruar detyrën e zyrtarit.

Kërkesa u konfirmua në seancën e sotme, e shtyrë për të katërtën herë dhe tashmë nuk ka asnjë pengesë që Tahiri dhe Çela të gjykohen me procedurë të përshpejtuar.

Gjykata ka ftuar Prokurorinë të paraqesë konkluzionet dhe të kërkojë masën e dënimit ose të tërhiqet nëse nuk disponon provat e mjaftueshme. Prokuroria ka kërkuar kohë për ta paraqitur pretencën, duke e shtyrë seancën për në 10 shtator me pretendimin se muaji gusht është periudhë pushimi.

“Shtyrja e sotme është e tepërt. Me pretendimin që është muaji gusht, pra pushim, është shumë e tepërt. Ishin kushtet që të bëhej gjykim i pandërprerë sic e kërkon kodi dhe ligji. Ju nuk u lodhet më dy vjet që e ndiqni këtë histori?”, tha Tahiri.

I pyetur nëse kjo zvarritje ka prapavijë të qëllimtë, ish ministri tha: “Nuk dua ti vë asnjë emër, po zgjatet përtej limiteve. Jam i gatshëm ta mbroj veten cdo moment. Prokuroria ka dy vjet që merret me ceshtjen dhe nuk është e gatshme ta bëjë këtë kur i jepet arsyeja? Të lerë të qetë një njeri të pafajshëm.  Nga dokumentet që janë bërë publike edhe në media, nuk ka asnjë germë më shumë se letrat që u çuan në parlament ndaj meje”, tha Tahiri.

Të fundit