Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

KRYESORE

“Spiun i yni”/ Ish-gardisti që kandidon për PS: Kupola e lartë e shtetit, përgjegjëse për 21 janarin

Politiko 14 Maj 2019, 19:54

“Spiun i yni”/ Ish-gardisti që kandidon për PS: Kupola e

Partia Socialiste ka zgjedhur si kandidat për Bashkinë e Burrelit, Agron Malajn. Ai njihet si gardisti i ‘grupit të zjarrin’ që qëlloi mbi njërëzit në ngjarjen e 21 janarit, ku mbetën të vdekur katër vetë. Kryeministri Rama e mbrojti duke thënë se Malaj nuk ka shkelur në asnjë moment ligjin dhe shtoi se "na ka informuar me imtësi për atë që ka ndodhur".

Vetë Malaj, në një interviste për gazetën Panorama më 15 shkurt 2016, thotë se nuk ka ekzistuar asnjë ‘grup zjarri’ dhe se termi është një sajesë, ndërsa mohon të ketë qëlluar mbi protestuesit. Malaj nuk lë pa akuzuar edhe strukturat e larta të shtetit, pa përmendur emra, që sipas tij janë përgjegjëse për ngjarjen.

“Kur snajperët ishin pjesë e këtij seksioni, në vartësinë time, a hapën zjarr? Këto pyetje ua drejtoj zyrtarëve të lartë të shtetit. Mund të them se urdhëruesit dhe përgjegjësit e vrasjeve të 21 janarit janë në ish-kupolën e strukturave të larta të shtetit”, sqaron Malaj

Intervista e plotë:

Malaj, përse vendosët të flisni tani, kur kanë kaluar pesë vjet nga ngjarja?

Sot vendosa të flas për këtë ngjarje, pasi po sulmohem padrejtësisht në drejtime të ndryshme, sidomos nga opozita. Duke parë një shqetësim të madh të familjes, miqve dhe të gjithë atyre që i dinë këto të vërteta, dhe janë bërë pjesë e këtyre sulmeve nga mediat e politika, vendosa të prononcohem. Më vjen keq që familja ime ka përballuar ngarkesën e 21 janarit dhe po kalon stres e mërzi sa herë që caqe të caktuara të politikes i përdorin emrat tanë si “mish për top”, sipas orekseve të tyre.

Përse këmbëngulni se nuk ka ekzistuar “grupi i zjarrit”?

Duke marrë shkas nga debatet e fundit në Parlament, dua të informoj gjithë shqiptarët se “grupi i zjarrit” nuk ka ekzistuar më 21 janar 2011. Kjo gjë mund të verifikohet lehtësisht në librin e shërbimit të Njësisë Speciale, të datës 21 janar. Është vërtet për të ardhur keq se si ky repart apo ky grup është etiketuar “grupi i zjarrit”, nga persona dhe caqe të caktuara, për të shmangur gjithë atë situatë. Kjo bëhet nga njerëz që janë përgjegjës për ngjarjet e 21 janarit. Unë kam pasur në vartësi grupin e ndërhyrjes dhe grupin e snajperëve. Më 21 janar, ky seksion ishte në mbështetje të një- sisë së dytë, te godina e Kryeministrisë.

Grupi që ju drejtonit, a ka qëlluar mbi qytetarët më 21 janar 2011?

“Grupi i zjarrit”, siç e etiketuan më 24 janar 2011, drejtohej nga ana ime. Ai është instruktuar me kujdes nga ana ime dhe për këtë ka prova e dokumente. Nga ekspertiza që iu bë armëve që dispononte grupi që unë drejtoja nuk rezulton të jetë qëlluar mbi njerëzit. Të gjithë vartësit e thirrur janë lënë të lirë nga drejtësia, pasi nuk u faktua se ata kanë shkaktuar viktimat e 21 janarit. Sajimi i “grupit të zjarrit” ishte një farsë e atyre që drejtonin Gardën dhe institucione të tjera të rëndësishme.

Ku po e kryenit ju shërbimin atë ditë dhe kur e më- suat se nga të shtënat kishte viktima?

Unë kam qenë me shërbim te porta numër një, porta e hekurit, domethënë te rrugica prapa portës. Për viktimat kam mësuar kur po largohesha me makinë drejt repartit. Dëgjova se kishte viktima nga një stacion radiofonik që po e dëgjoja në makinë.

Edhe një herë, pse ju jeni identifikuar si pjesë e “grupit të zjarrit”?

U habita se si më datë 24 janar 2011, unë u identifikova si grup zjarri. Prandaj më lindin pyetjet që po i bëj publikisht: Çfarë është ky grup zjarri? Pse ky grup zjarri nuk ishte shënuar me datë 20 janar si i tillë në librin e shërbimit të Njësisë Speciale apo në librin e shërbimit të Gardës së Republikës? Pse ky grup doli më 24 janar? Kush e emërtoi atë grupi i zjarrit? Me urdhër të kujt u emërtua “grup zjarri”? Cilat ishin detyrat e Seksionit Special të katërt që unë drejtoja atë ditë? Cili është misioni i Njësisë Speciale?

Cili është misioni i Gardës së Republikës? Sa efektivë kishte Seksioni i katërt?

Kur snajperët ishin pjesë e këtij seksioni, në vartësinë time, a hapën zjarr? Këto pyetje ua drejtoj zyrtarëve të lartë të shtetit. Mund të them se urdhëruesit dhe përgjegjësit e vrasjeve të 21 janarit janë në ish-kupolën e strukturave të larta të shtetit.

A ka nisur organi i akuzës ndonjë proces ndaj jush?

Prokuroria nuk hapi asnjëherë çështje ndaj meje, pasi të gjitha veprimet e mia ishin në përputhje me ligjin. Jam treguar mjaft korrekt në detyrat që më janë ngarkuar, pa cenuar jetën dhe shëndetin e askujt. Organi i akuzës nuk ka hapur kurrë një çështje penale në ngarkim të Agron Malajt. Prokurorët e çështjes janë tërhequr në sallën e gjyqit, sepse nuk ka pasur elementë të veprës penale. Çdo veprim ka qenë korrekt dhe ligjor. Unë jam thirrur më vonë në cilësinë e dëshmitarit të ngjarjes. Ndiej keqardhje që efektivët profesionistë të Gardës paragjykohen për ngjarjen e 21 janarit, pasi kanë kaluar vështirësi të panumërta gjatë ushtrimit të detyrave të ngarkuara. Nga 1100 efektivë që kishte ky institucion shumë i rëndë- sishëm, vetëm 60 prej tyre ishin elita e Gardës së Republikës, siç quhej Njësia Speciale. Ata ishin përzgjedhur me kujdes të veçantë nga specialistët e këtij institucioni, pavar- ësisht bindjeve politike apo lidhjeve që kishin me njerëz të rëndësishëm në vend.