Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Vendimi/ Pezullohet nga detyra shefi i Komisariatit Nr.1 në Tiranë dhe e gjithë patrulla e zonës

Politiko 21 Gusht 2017, 20:19
Vendimi/ Pezullohet nga detyra shefi i Komisariatit Nr.1 në Tiranë dhe

Është pezulluar nga detyra shefi i Komisariatit Nr.1 në Tiranë, Elton Alushi, pasi lejoi ndërtimin e një objekti pa leje në Rrugën e Elbasanit. Alushi është akuzuar më parë nga Partia Demokratike për lidhje me Emiljano Shullazin, kur ishte në krye të Komisariatit Nr.3, dhe se ndihmonte në trafikimin e drogës në kryeqytet.

Sa i përket rastit për të cilin ai është pezulluar sot nga detyra, bëhet fjalë për një ndërtim pa leje pranë Parkut të Liqenit Artificial, ku shtetasja Shiqere Hakaj ndërtuar pa lejen e organeve kopetente në një sipërfaqe ndërtimi (lavazh) prej 150 m2. Alushi akuzohet se ka patur dijeni për rastin dhe nuk ka vepruar.

Ndërkohë, për të njëjtin rast është pezulluar detyra e Shefit të Seksionit të Policimit në Komunitet pranë këtij komisariati, Nefail Zyka, është pezulluar e gjithë patrulla që mbulon këtë sektor dhe është përjashtuar nga Policia i Nd/Specialisti i Policimit në Komunitet që mbulon zonën.

Policia ka arrestuar Shiqere Hakaj, 51 vjeçe, lindur në Tropojë dhe banuese në Tiranë, për ndërtimin pa leje dhe ka proceduar dy zyrtarët e IKMT-së.

Njoftimi:

Ndërtonte pa leje ndërtimi, arrestohet nga Policia.

Procedohen penalisht dy Inspektorë të Kontrollit në terren të Policisë Bashkiake Tiranë.

Përjashtohet nga Policia Nd/Specialisti i Policimit në Komunitet që mbulon zonën ku kryhej ndërtimi pa leje.

Si dhe pezullohen nga detyra Shefi i Komisariatit Nr 1, Shefi i Seksionit të Policimit në Komunitet në Komisariatin nr 1, dhe patrulla e Policisë që mbulonte atë territor ku kryhej ndërtimi.

Më datë 21.08.2017, nga ana e  Sektorit për Krimin Ekonomiko Financiar,  në bashkëpunim me Prokurorinë e Rrethit Gjyqësor Tiranë, u bë arrestimi në flagrancë  e shtetases:

Shiqere Hakaj, 51 vjeçe, lindur në Tropojë dhe banues në Tiranë, aktivitet privat.

Si dhe  u proceduan shtetasit;

  1. G, 45 vjeç, lindur në Vlorë dhe banues në Tiranë. Me detyrë specialist pranë Inspektoriati Mbrojtjes Territorit, Bashkia Tiranë.

  2. P., 29 vjeç, lindur dhe banues në Tiranë, rruga “Sabri Tefiku”, me detyrë Inspektor I Kontrollit në terren i Policisë Bashkiake Tiranë.

Proçedimi i këtyre shtetasve u bë për veprën penale “Ndërtim pa leje, shpërdorim detyre”, pasi sot më datë .21.08.2017, në vendin e quajtur "Rruga e  Elbasanit", pranë Parkut të Liqenit Artificial, shtetasja Shiqere Hakaj ka kryer ndërtim pa lejen e organeve kopetente në një sipërfaqe ndërtimi (lavazh) prej 150 m2.

Sa më sipër nga ana e Inspektorëve të Inspektoriatit Mbrojtjes së Territorit, edhe pse morën dijeni për këtë ndërtim pa leje e kanë lejuar duke sjellë pasoja ndaj interesave të ligjshme të shtetasve, në kundërshtim me ligjet në fuqi.

Materialet proçeduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën penale “Ndërtim pa leje" dhe "Shpërdorim detyre", prashikuar nga nenet 199/a dhe 248 e 25 i Kodit Penal.

Po në vijim të veprimeve në lidhje me këtë ndërtim pa leje,  nga  Drejtoria Vendore e Policisë Tiranë dhe Drejtoria e Standarteve Profesionale në Drejtorinë e Përgjithshme të Policisë së Shtetit u morën masa administrative për punonjësit e policisë ;

Përjashtim nga Policia i Nd/Specialistit të Policimit në Komunitet që mbulon zonën.

Pezullimin nga detyra e Patrullës së Policisë që mbulon këtë sektor pranë Komisariatit të Policisë Nr.1.

Pezullimin nga detyra e Shefit të Seksionit të Policimit në Komunitet pranë Komisariatit të Policisë Nr.1.

Pezullimin nga detyra e Shefit të Komisariatit të Policisë Nr.1.

Po në lidhje me këtë vepër penale  nga ana e Shërbimit për Çështjet e Brendshme dhe Ankesat janë kryer veprime proçeduriale penale  dhe po  vazhdojnë të kryhen veprime të tjera  mbi dyshimet për implikim të punonjësve të policisë pranë Komisariatit të Policisë nr 1 Tiranë, të cilët kanë marrë djeni apo nuk kanë kryer detyrat funksionale sipas procedurave standarte të punës.

Të fundit