Flash News

Gazeta më e madhe izraelite shkruan për aktin e dëshmorit shqiptar, Arben Anamali

Nga Venezuela për të ushtruar pr*stitucion në Vlorë, në hetim 3 vajza

Kapet në Fushë Kuqe i riu me rrezikshmëri të lartë (EMRI)

Aksoni antid*ogë në Shkodër, kush është ish-Shefi i Krimeve i shpallur në kërkim nga SPAK

D*ogë nga Amerika Latine/ SPAK aksion në Shkodër, lëshohen 13 urdhër-arreste, edhe policë të përfshirë

KRYESORE

Zvicra voton kundër kufizimit të lëvizjes së lirë me BE-në

Politiko 27 Shtator 2020, 19:52
Zvicra voton kundër kufizimit të lëvizjes së lirë me

Zvicra i ka thënë sot “jo” me shumicë të madhe votash nismës së të djathtës populiste për daljen nga hapësira e përbashkët europiane për lëvizjen e lirë.

Në referendumin e zhvilluar këtë të diel, 63% e votuesve u shprehën kundër daljes ndërsa 37% e tyre ishin pro. Rezultati është i qartë teksa procesi i numërimit të votave vijon ende.

“Votuesit refuzuan me 63% të votave të ashtuquajturën nismë kufizimi të nisur nga UDC, partia kryesore e vendit”, tha Institutit i Sondazheve “gfs-Bern”.

Nisma e UDC, e cila konsideron se Zvicra po vuan nga emigracioni i pakontrolluar dhe joproporcional dhe se vendet e punës janë të kërcënuara, synonte t’i jepte fund Marrëveshjes për Lëvizjen e Lirë të Personave (AFMP) me Bashkimi Europian, e nënshkruar në vitin 1999.

Kundërshtarët e këtij propozimi thanë se kjo do të shkaktonte recesion ekonomik dhe do t’i privonte qytetarët zvicerianë që jetojnë e punojnë në vendet e BE-së të punonin e lëviznin lirisht brenda unionit.

Kujtojmë se Zvicra nuk është anëtare e BE-së, por lejon lëvizjen e lirë duke përfituar edhe nga tregtia e lirë me vendet europiane dhe bashkëpunimi me Brukselin në fusha të tjera si transporti dhe arsimi.

Të fundit