Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Basha konfirmon Xhelal Mziun si kandidat për Bashkinë e Kamzës

Politiko 9 Mars 2019, 16:44
Basha konfirmon Xhelal Mziun si kandidat për Bashkinë e Kamzës

Kryetari i Partisë Demokratike Lulzim Basha, nga Paskuqani ku ka zhvilluar takime me qytetarët dhe u ka bërë thirrje t’i bashkohen protestës me 16 Mars, ka rikonfirmuar Xhelal Mziun si kandidat për Bashkinë e Kamzës.

Basha u shpreh se  Xhelal Mziu i ka mbajtur premtimet, marrë shembul, nga rruga që ishte asfaltuar, ndërsa shtoi se ndryshime pozitive do të vijnë për çdo familje.

“Herën e fundit këpucët u mbushën me pluhur dhe baltë por sot rrugët janë ndërtuar i pashë me sytë e mi, janë ndërtuar të gjithë rrugët lidhëse dhe këtu në këtë qendër historike në Babrru, ku për herë të parë në 30 vite po shikoni çfarë mund të bëj një pushtetar që e jep fjalën dhe e mban fjalën ju tha që do të ju ndërtoj rrugët dhe i ndërtoi.

Por ju miqtë e mi e dini edhe anën tjetër të kësaj medalje të pushtetarit që premton dhe nuk bën asgjë që premtoi 300 mijë vende pune dhe çoi 500 mijë refugjatë, premtoi shëndetësi falas dhe i shkatërroi spitalet, premtoi uljen e taksave dhe sot shumë njerez kanë mbyllur bizneset nga ata që kam takuar në zonën e Paskuqanit dhe të tjerë po bëhen gati për ti mbyllur për shkak të taksave të larta dhe çmimit të energjisë. Kreu i PD i ftoi të gjithë në sheshin e protestes ku kemi për t’i dhënë fund qeverisë së krimit në sheshin e lirisë me datën 16 mars”.

Më tej ai shtoi: “Edhe njëherë dua të falendeoj një njeri që ka mbajtur fjalën para jush dhe para meje me punën e përditshme në këto javë muaj e vite që i besuat mandatin e bashkisë. Akoma ka shumë halle por jam i sigurt që kur ti bashkojmë forcat pushteti lokal me Xhelal Mziun dhe pushteti qendror me një qeveri që do ti përgjigjet halleve, ndryshimi pozitiv do të ndihet. Por duhet të fitojmë betejën më 16 mars. Kur t’i bashkojë forcat pushteti vendor me Xhelal Mziun dhe pushteti qendror me një qeveri që do t’ju përgjigjet për hallet tuaja, ndryshimi pozitiv për çdo familje do të ndjehet”.,

Kujtojmë që data e zgjedhjeve për Bashkitë është caktuar 30 qershori, mirëpo me zhvillimet aktuale politike pas djegieve të mandateve nga opozita mbetet për t'u parë se çfarë do vendoset në vijim.

Video në orën 1:07:00

Të fundit