Basha: Ramën e ka refuzuar edhe PS-ja, duhet dimension i ri në parti

Kryetari i PD-së Lulzim Basha deklaroi se Edi Ramën e ka refuzuar edhe Partia Socialiste. Në fjalën e tij në selinë blu ai shtoi se në Partinë Demokratike, nuk duhet që të ketë euforizëm dhe se duhet nisur puna për organizimin partisë. Basha e shikon situatën mjaft komplekse.

“85 për qind e shqiptarëve refuzuan të shkojnë në votime në 30 qershor. Ramën e ka refuzuar edhe PS-ja. Ne nuk duhet të jemi euforikë. Duhet të bëjmë takime në çdo degë. Do të merremi me organizimin e partisë”, tha kreu i PD-së, i cili shtoi se partisë tanimë i duhet dhënë një dimension i ri dhe se energjinë refuzuese duhet ta kthejmë në pozitive, duke shpalosur alternativën.