Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mbytjet tragjike në plazhe/ Eksperti Softa: Neglizhencë dhe paaftësi nga institucionet!

Politiko 30 Qershor 2025, 16:00

Eksperti i sigurisë, Fatjon Softa, ka komentuar situata tragjike të regjistruara në bregdetet shqiptare së fundmi ku shumë pushues kanë humbur jetën.

Në një intervistë për Syri TV, Softa, u shpreh se institucionet përkatëse duhet të ishin përgatitur që në janar, ashtu siç e përcakton edhe rregullorja.

Softa tha se vonesat në dhënien e ndihmës së parë në rastet e mbytjeve në plazhe, tregojnë se hallkat e zinxhirit institucional nuk kanë funksionuar, kjo edhe për shkak të neglizhencës dhe paaftësisë.

Sipas Softës, në raste të tilla, organet ligjzbatuese duhet të nisin hetime për faktin se ka çeduar dhënia e ndihmës së parë.

Softa: Institucionet shtetërore duhet të ishin të përgatitura në në janar, e jo në nisje të sezonit. Janë masa jo vetëm për plazhet por edhe për ujërat e brendshme, për këqyrje e kontrolle të rrepta. Vonesa për ndihmën e parë nis nga roja e bregut, që është e normuar me ligj, që plazhet duhet të kenë roje, që të japë edhe ndihmën e parë, pastaj duhet të ketë ndihmë mjekësore, të stacionuara.

Duhet të këtë planifikim shëndetësor, edhe në rastet e situatave të plazheve. Kjo është e përditshme. Është neglizhencë dhe paaftësi. Që nga roja, që duhet dijë rastet e mbytjes. 60 % e rasteve, mungojnë rojet. Duhet të ketë vrojtues, radio, të komunikojë dhe jo të jenë kamarierët. Janë qytetarët që shkojnë, që janë të pastërvitur dhe ndihma humanitare ndonjëherë s’është e duhura. Duhet të jenë të certifikuar. Dhe kjo mungon. Për shkak të korrupsionit, disa motorë uji lëvizin dhe pa dokumente.

Ka disa institucione që merren për masat e sigurisë deri te parandalimi. Nga pushteti lokal, Ministria e Turizmit dhe Policia e Shtetit. Që duhet ketë mjetet e duhura për të monitoruar, edhe dronë. Një lloj sensibilizimi me qytetarët duhet, pasi ka shkelje dhe nga ata. Greqia, p.sh, ka kërkuar që ta bëjë të detyrueshëm mësimin e notit në shkolla deri më 2030. Është nismë pozitive, pse jo të mos futet edhe në vendin tonë.

Është çështje menaxhimi dhe vdekjet duhet të hetohen, përfshirë edhe shërbimin e ndihmës së shpejtë, duhet të ishin të përgatitur që nga janari, qershori iku. Korriku e gushti, muaj intensiv.

Vjet janë bërë reklamë për motorë ambulancë, ku janë këto që janë reklamuar nga institucionet?! Duhet të përcaktohen zonat me risk, nisur dhe nga historiku apo analiza e bërë. Nëse do kishim këtë hartë, që ta kishim si aplikacion për shqiptarët e të huajt, që të përcaktojnë se ku janë rrymat dhe rreziqet.