Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Britania largohet nga Bashkimi Evropian, çfarë ndryshon Brexit pas 31 janarit?

Politiko 31 Janar 2020, 11:58
Britania largohet nga Bashkimi Evropian, çfarë ndryshon Brexit pas

Pas tre vjet e gjysmë, tre kryeministrave që nga referendumi i Brexit në 2016, Britania më në fund bëhet vendi i parë që largohet nga Bashkimi Evropian, zyrtarisht në 23.00 të kësaj të premte.

Megjithatë, pothuajse të gjitha ndryshimet e menjëhershme do të jenë të padukshme për publikun. Mbretëria e Bashkuar do të hyjë në periudhën e tranzicionit që u ra dakord midis qeverisë britanike dhe BE, pra për 11 muajt e ardhshëm, Mbretëria e Bashkuar mbetet një vend anëtar i BE-së, përveç emrit.

Çfarë ndodh sonte?

Mbretëria e Bashkuar largohet zyrtarisht nga BE. Kryeministri Boris Johnson do t'i drejtohet kombit me  një fjalim që supozohet optimist.

Flamuri i Unionit do të hiqet nga të gjitha institucionet e BE-së (njëri prej të cilëve do të vendoset në një muze në Bruksel) dhe politikanët e vjetër të BE-së me siguri do të bëjnë deklarata duke shprehur se kjo është një ditë e trishtuar për Evropën dhe se ata duan të mbesin miqtë më të afërt me Evropën.

Cfarë ndryshon në të vërtet sonte?

Në teori shumë, në praktikë shumë pak. Mbretëria e Bashkuar mund të largohet nga BE, por do të vazhdojë t'i bindet të gjitha ligjeve të BE-së dhe gjykatave evropiane.

Në muajt e ardhshëm, ajo do të vazhdojë të paguajë në buxhetin e BE-së dhe të përputhet me çdo ndryshim në ligjin e BE-së. Kjo do të thotë se të vetmet gjëra që do të ndryshojnë janë kryesisht simbolike. Mbretëria e Bashkuar nuk do të ketë ndonjë përfaqësim domethënës në institucionet e BE dhe nuk do të marrë më pjesë në asnjë takim të liderëve të BE-së. Kështu që do të respektojë rregullat e BE-së , por pa u bërë pjesë e politikës së BE-së.

Çfarë nuk ndryshon?

Bizneset do të operojnë normalisht, që do të thotë se klientët nuk do të preken. Njerëzit që udhëtojnë në Evropë nuk do të preken gjatë periudhës së tranzicionit, dhe qytetarët e BE-së do të jenë akoma në gjendje të lëvizin lirshëm rreth bllokut. Tregtia në Mbretërinë e Bashkuar-BE do të vazhdojë pa ndonjë tarifë shtesë, si dhe fluturimet, anijet dhe trenat do të funksionojnë si zakonisht.

Çfarë vjen më pas?

Periudha e tranzicionit të Brexit do të përfundojë më 31 dhjetor të këtij viti. Kjo do të thotë që Mbretëria e Bashkuar duhet të negociojë marrëdhëniet e saj të ardhshme me Evropën në vetëm 11 muaj. Mosarritja e një marrëveshjeje do të krijonte vështirësi të mundshme në të ardhmen, duke shkaktuar dëme ekonomike për të dy palët dhe ndoshta më gjerë. Ky është një skenar që të dy palët dëshirojnë ta shmangin.

Bisedimet zyrtare do të fillojnë më 3 Mars. Ndërkohë, të dy palët do të përshkruajnë përparësitë e tyre dhe nënvijëzojnë linjat e tyre të kuqe.

Luke McGee, CNN

Të fundit