Flash News

4 të rinj humbin jetën në një aksident në Itali, mes tyre një 19-vjeçar shqiptar

Nesër nis faza e dytë e regjistrimit për klasat e para dhe të dhjeta, afati

Plagosja në Kuçovë, Bejo u qëllua nga fqinji pas një sherri, shpallet në kërkim autori

Posta e mëngjesit/ Me 2 rreshta: Çfarë pati rëndësi dje në Shqipëri

Të shtëna me armë zjarri në Kuçovë, 45-vjeçari gjendet i plagosur në rrugë

Ditari i Maxhorancës

I kërkohet dorëheqja, Kumbaro reagon 24 orë pas tragjedisë në Himarë

Politiko 3 Gusht 2022, 22:23

I kërkohet dorëheqja, Kumbaro reagon 24 orë pas tragjedisë

Ministrja e Mjedisit dhe Turizmit Mirela Kumbaro ka reaguar 24 orë pas ngjarjes së rëndë që tronditi Himarën një ditë më parë. Një 7-vjeçare u godit për vdekje nga skafi i drejtuar nga Arjan Tase, tashmë ish-efektiv policie.

Në një postim në Tëitter, Kumbaro shpreh ngushëllime për vdekjen e Jonadës dhe kërkon dënim maksimal për autorin e ngjarjes. Po ashtu, ministrja kërkon nga Policia e Shtetit të jetë më vigjilente.

“Tejet e rëndë dhimbja për ngjarjen e kobshme në bregdetin e Himarës, ku një engjëll nuk është më mes nesh për shkak të marrëzisë së një njeriu që theu çdo ligj, çdo rregull e çdo normë me pasoja tragjikisht të pakthyeshme! Me vetëdijen se nuk ka fjalë të shërbejë sado pak si ngushëllim për prindërit,familjen për gjëmën që pësuan,kërkesa shkon për Drejtësinë që të bëjë punën e saj, pa asnjë kompromis, me dënim maksimal ndaj kujtdo që thyen ligjet e përbashkëta dhe rregullat dhe rrezikon të shkaktojë humbje jete, në tokë a në ujë qoftë! Kërkesa shkon edhe për Policinë e Shtetit po ashtu, për çdo punonjës të saj në territor, që të jetë në lartësinë vigjiluese dhe ndëshkuese që uniforma i imponon për kryerjen e detyrës. Jonada e vogël u prehsh ne paqe”, shkruan Kumbaro.

Reagimi i ministres vjen një ditë pas tragjedisë dhe njoftimit për protestë para Ministrisë së Brendshme. Shoqëria civile ka kërkuar dorëheqjen e saj bashkë me atë të ministrit të Brendshëm Bledi Çuçi dhe Drejtorit të Përgjithshëm të Policisë së Shtetit Gledis Nano.

Të fundit