U përmend në përgjimet e mafias italiane, reagon Veliaj: Do dalin që kemi qenë shokë në çerdhe me Eskobarin

Kreu i Bashkisë së Tiranës, Erion Veliaj ka reaguar pas publikimit të përgjimeve të antimafias italiane, ku ka rezultuar se në bisedat e personave në hetim hidhen dyshime mbi mënyrat se si mafia italiane (Ndrangheta) arrin të depërtojë në procesin e lejeve të ndërtimin në Bashkinë Tiranë, duke përfituar tendera.

Veliaj gjatë një takimi në Rrogozhinë ka ironizuar duke thënë gjatë periudhës së fushatës, do dalin se kanë qenë shokë në çerdhe me Eskobarin.

 “Do dëgjoni në këtë fushatë çudira. Do dalin që kemi qenë shokë në çerdhe me Eskobarin. Do dalin lloj-lloj çudirash. Përca dhe sundo ka qenë strategjia e Saliut.

I funksionoi në vitet ’90, përcante veriun me jugun, fshatin me qytetin, por tani shqiptrët janë ftilluar dhe e dinë çfarë janë lajmet e rreme, mund të bëjnë cfarë të duan. Ne jemi të fokusuar për një mandat të tretë”, tha Veliaj.

Më herët, PD deklaroi se përgjimet konfirmojnë se në Tiranë me lejet e ndërtimit, me koncesionet dhe me tenderat publikë pastrohen para për mafian italiane, si dhe dalin takimet e kryera të biznesmenëve ndërmjetës shqiptarë, mes Erion Veliajt dhe biznesmenit të Ndraghetës Gallo.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm