Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Berisha: Rama anuloi vizitën te Veliaj pas denoncimit tim

Politiko 13 Shkurt 2025, 15:49

Berisha: Rama anuloi vizitën te Veliaj pas denoncimit tim

Kreu i Partisë Demokratike, Sali Berisha, ka deklaruar para gazetarëve në oborrin e Kuvendit se kryeministri Edi Rama e anuloi vizitën në paraburgimin e Durrësit, ku mbahet Erion Veliaj, pas denoncimit të tij.

Sipas Berishës, qëllimi i vizitës ishte i dyshimtë dhe ai pretendon se Rama mund të kishte shkuar për t’i dërguar një mesazh Veliajt.

Ndërkohë, Berisha ka paralajmëruar Xhevdet Troplinin që të mos kërcënojë Veliajn, duke e cilësuar këtë si një çështje me pasoja të rënda.

Fjala e Berishës
Por nuk është vetëm kjo të dashur qytetarë. Janë një seri e pafundme komunikimesh të Ramës me botën e krimit, zotime dhe angazhime të Edi Ramës për shpërblime me leje ndërtimi kundrejt shumave përrallore të lara në kulla dhe aktivizimeve në zgjedhje. Pra në këtë aspekt bota e krimit po zien. U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Veliajt. Dhe unë i jap paralajmërimin më të fortë Xhevdet Troplinit; të mos përzihet, të mos kërcënojë, se do të ketë pasojat më të rënda.

Se nuk e çoi kot. E anuloi vizitën, sigurisht se e denoncova në media, dhe e dinte se do të shkonit dhe ju pas, e skishte si të takohej me të. Tani të dashur qytetare dhe qytetarë! Halle, halle kjo dynja, halli, hallit nuk i ngjan. Edi Ramës i janë mbytur xhemitë. Sot në sytë e botës ai është një kukull mjerane e Xhorxh Sorosit. Ai siç e patë ju, ka fshirë të gjitha fotografitë që ka pasur në Instagram me Alexis Soros, dhe me Yuri Kim.

Pyetje: Kontratë me LaCivita do ta publikoni?

Sali Berisha: Absolutisht po, dhe po të garantoj se e tëra do të kalojë, do të jetë para me origjinë të kristaltë me transfertë bankare siç kërkon ligji dhe rregulli, pa asnjë dyshim. Ju falënderoj.

Të fundit