Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Fondi i PPP-ve rekord për 2020-ën: ¼ e operatorëve u tenderuan pa garë, Bashkia e Tiranës tejkaloi limitin

Politiko 4 Mars 2022, 10:31

Fondi i PPP-ve rekord për 2020-ën: ¼ e operatorëve u

504 tendera me Negocim pa shpallje janë zhvilluar vetëm për vitin 2020. Ndërsa 4 prej tyre janë kryer për procesin e Rindërtimit, ku autoritet kontraktues ka qenë Bashkia e Tiranës.

Sipas një raporti të Open Data, Bashkia e Tiranës ka akorduar për 4 tenderat një fond limit prej mbi 24 milionë lekë, kur fondi limit në dispozicion për 504 tenderat ishte mbi 6.9 miliardë lekë.

Në vitin 2020, autoritetet kontraktuese kanë kryer 108 tendera me procedurë të kufizuar për Rindërtimin, me vlerë totale të fondit limit mbi 69 miliardë lekë. Prej tyre, 92 kanë qenë tender me procedurë të kufizuar lokale, ndërsa 16 me procedurë të kufizuar ndërkombëtare.

Vendimmarrja për këtë lloj procedure është bërë me Akt Normativ të Qeverisë me Fuqi Ligji, akt i Kundërshtuar me Padi në Gjykatën Kushtetuese nga organizata AIS e më tej nga një grup deputetësh të Opozitës, padi për të cilën pritet shqyrtim nga Gjykata.

Procedura me Negocim pa Shpallje dhe ajo me Procedurë të Kufizuar nuk garantojnë garë të hapur dhe proces përmes ofertimit elektronik. Çka do të thotë se qeveria dhe institucionet në varësi të saj, kanë tenderuar një të katërtën e fondit limit për gjithë vitin përmes tenderëve me Procedurë të Kufizuar, duke shmangur konkurrencën me ofertim dhe garën e plotë në sistem elektronik.

Ngjashëm si në vitin 2020, tenderat me Procedurë të Kufizuar për vitin 2021 janë kryesisht ato për Programin e Rindërtimit pas Tërmetit të 26 nëntorit 2019. Për vitin 2021, autoritetet kontraktuese kanë kryer 137 tendera me procedurë të kufizuar për Rindërtimin, me vlerë totale të fondit limit mbi 19 miliardë lekë.

Në 2021-ën janë zhvilluar dhe 244 tendera me Negocim pa Shpallje, me një fond limit total mbi 4,8 miliardë lekë.

Duke krahasuar të dhënat për dy vitet, bie në sy se në vitin 2020 fondi limit total për prokurimet publike është ndjeshëm më i lartë se ai i vitit 2021. Thënë më thjeshtë, në vitin 2020 janë tenderuar rreth 80 për qind me shumë fonde se sa në vitin 2021.

Po ashtu, fondi limit i dhënë përmes procedurave të kufizuara dhe atyre me negocim pa shpallje, në vitin 2020 ka qenë rreth 3 herë më e lartë se ajo e vitit 2021. Vlera totale e fondit limit tenderuar përmes procedurave të kufizuara për procesin e rindërtimit, në vitin 2020 ka qenë rreth 3.5 herë më e lartë krahasuar me vitin 2021.

Ndërsa vlera totale e fondit limit tenderuar përmes negocimit pa shpallje në vitin 2020 ka qenë rreth 1.5 herë më e lartë se në vitin 2021. Viti 2020 karakterizohet nga procedura të Programit të Rindërtimit; Tenderime për Situatë e krijuar nga Pandemia Covid -19. Karakteristikë tjetër e vitit 2020 është edhe fakti që ky vit paraprin fushatën dhe procesin për Zgjedhje të Përgjithshme Parlamentare mbajtur më 25 Prill 2021.