Flash News

E-TJERA

Orban zbardh ç’diskutoi me Ramën: Hungaria plotësisht e përkushtuar ndaj Shqipërisë për të arritur anëtarësimin në BE   

Orban zbardh ç’diskutoi me Ramën: Hungaria plotësisht e

Kryeministri  Viktor Orban ka renditur çështjet e diskutuara me kryeministrin Edi Rama, pas vizitës së këtij të fundit në Hungari.

Pas takimit mes tyre, Orban fillimisht uroi Ramën për fitoren e mandatit të tretë, ndërsa theksoi se Hungaria është plotësisht e përkushtuar ndaj Shqipërisë për të arritur anëtarësimin në BE.    

“Dua t’ju prezantoj kryeministrin e Shqipërisë, një mik të madh të Hungarisë. Ai ka fituar tre herë njëra pas tjetrës zgjedhjet, kjo është dicka e jashtëzakonshme në politikën evropiane, në një vend si ajo e Shqipërisë me demokraci të gjalla, që ka një luftë të madhe politike. Të përgëzoj për fitoren tuaj. Çështjet që kemi diskutuar sot është bashkëpunimi politik mes dy vendeve, po i afrohemi 100 vjetorit të vendosjes së marrëdhënieve diplomatike mes dy vendeve, duam ta festojmë bukur dhe ta kemi jubile politik të rrethuar me kulturë.  

Ramë dakord se nuk ka dallime madhore në politikën e jashtme midis dy vendeve, më e rëndësishme është anëtarësimi i Shqipërisë në BE. Hungaria është mbështetëse dhe jemi të angazhuar që Shqipëria të bëhet pjesë e BE, jo vetëm që motivohet nga simpatia jonë, por edhe interesi ynë. Pa ofruar mundësi anëtarësimi për këtë pjesë të kontinentit evropian nuk mund të stabilizohemi qoftë sa i takon ekonomisë, apo aspektit politik. Shqipëria do të luajë një me rëndësi në të ardhmen tonë evropiane.

Më pas negociuam për çështjet ekonomike, jemi mjaft të lumtur që jemi në gjendje të gjejmë të gjejmë projektin kryesor e cila është banka OTP, e cila u mirëprit nga Shqipëria.

Kemi investimin e madh në Shqipëri. Do kemi edhe investues të tjerë. Do të doja të theksoja edhe njëherë që Hungaria është plotësisht e përkushtuar ndaj Shqipërisë për të arritur anëtarësimin sa më shpejt pa parakushte të tjera në BE”, tha Orban.

               

Të fundit