Flash News

Ceno Klosi with over 800 stolen votes, Balluku finds the reason is the tiredness of the counters

"Fast & Furious" in the former Block, police chase an Audi Q8, 4 cars collide

Car hits two tourists on a motorcycle in Fushe Arrëz, one of them dies

Serious accident in Thumanë, one dead, 3 injured

Durrës Court suspends the director of Pre-University Education from duty

Ditari i Opozitës

Berisha: SPAK po manipulon me dosjen e Elbasanit, 1500 kg k*kainë nuk mund të vinin pa një garanci politike

Politiko 2024-11-30 13:09:15

Berisha: SPAK po manipulon me dosjen e Elbasanit, 1500 kg k*kainë nuk mund

Kreu i Partisë Demokratike, Sali Berisha në një konferencë për media trajtoi ditën e sotme, perpos tjerash edhe çështjen e  dosjes së Elbasanit, konkretisht bandës së Suel Çelës.

Gjatë bisedës me gazetarët, Berisha tha se SPAK po manipulon me dosjen e Elbasanit. Sipas tij, 1500 kg kokainë nuk mund të vinin pa një garanci politike, në Xibrakë ishin Edi dhe Olsi Rama

Berisha: Çështja tjetër që dua të paraqes sot para jush është dosja e Elbasanit.
Dosja e Elbasanit përfaqëson aktin më të shëmtuar të narkodrejtësisë shqiptare të kontrolluar totalisht nga narkoqeveria.
Krimet e bandës së Elbasanit, bandave të Elbasanit, të themi të vërtetën nuk është një bandë, por janë 2-3 ose më shumë, tashmë janë universalisht të njohura. Për të patur qytetarët një ide, përveç vrasjeve të shumta që kanë ndodhur midis tyre, banda për të cilën është publikua dosja, banda e Suel Çelës, del se kishte të porositura 1500 kg kokainë nga Ekuadori dhe Hollanda.
Shqipëria është vend kryesor i shpërndarjes së kokainës në Europë. Por të besoj se 1 ton e gjysëm kokainë do të vinin për kokën e Suel Çelës, do të thotë të besosh mashtrimin. Një sasi e tillë kolosale nuk vinte kurrë pa garantin e fortë politik. Ne e pamë në Xibrakë, garanti në Xibrakë ishin Edi Rama dhe Olsi Rama. Ishin të implikuar Olsi, në mënyrë evidente.
Por të besoj se për Suel Çelën do të dërgoheshin 1500 kilogram kokainë, do të thotë të tallesh me veten tënde. Ata dërgoheshin dhe janë dërguar dhe destinacioni nuk është i shpifur, sepse prapa tyre qëndronte Taulant Balla dhe udhëheqja më e lartë e PS.
Pse unë e quajta dosjen një manipulim monstruoz të të vërtetave të manipulimit të kriminalitetit në Elbasan. Sepse publikut shqiptar i paraqiten si autorë kryesorë një grusht emrash, dy gjyqtarë, tre gazetarë, vetëm e vetëm për ta mashtruar publikun.

Latest news